#seminar
♻️ Qaraqalpaqstan Respublikası salıq basqarmasında salıq hám byudjet sıyasatınıń 2024-jılǵa mólsherlengen tiykarǵı jónelisleri qabıl etilgenligi múnásibeti menen salıq nızamshılıǵındaǵı kiritilgen sońǵı ózgerislerdi isbilermenlik subyektlerine jetkeriw maqsetinde seminar bolıp ótti.
✅ Ilajda Nókis qalası, Xojeli, Taqıyatas hám Nókis rayonlarında jumıs alıp barıwshı isbilermenler, salıq xızmeti qánigeleri hám ǵalaba xabar quralları wákilleri qatnastı.
🔗 Seminarda jıldan-jılǵa kishi biznes hám jeke isbilermenlikti rawajlandırıw, olardıń nátiyjeli xızmet kórsetiwi ushın jáne de qolaylı shárayat jaratıw, salıq jeńillikleri beriw boyınsha túpkilikli reformalar ámelge asırılıp atırǵanı haqqında sózge shıqqanlar tárepinen atap ótildi.
🔎 Endilikte salıq esabatın hám oǵan qosımsha qılınatuǵın hújjetlerdi saqlaw múddeti bes jıldan úsh jılǵa qısqartıldı. Sonday-aq, QQS, mak-múlk salıǵı, jer salıǵı, akciz hám aylanıstan alınatuǵın salıqlar boyınsha kiritilgen ózgerisler, sonıń menen birge ózin ózi bánt etkenler ushın jeńillikler haqqında da qatnasıwshılarǵa keń maǵlıwmatlar berildi.
Baspasóz xızmeti