Avtomobilimdı yuridikalıq shaxsqa ijaraǵa bergenmen. Usı dárámatımnan salıq tóleymenbe?
— Mal-múlkti ijaraǵa beriwden alınǵan dárámatlar múlkiy dárámatlar quramına kiritiledi hám dárámat salıǵına tartıladı.
👉Salıq kodeksi 375-statya
Fizikalıq shaxsqa salıq agenti tárepinen tólenetuǵın múlkiy dárámatlar salıq agentlerınde salıq salınatuǵın dárámatlarǵa kiredi.
👉Salıq kodeksi 387-statya
Tólew dereginde esaplap shıǵarılǵan salıq somması salıq tólewshige dárámatlardı tólew menen bir waqıtta, bıraq salıq esabatın usınıw múddetlerinen keshiktirmey salıq agenti tárepinen tólenedi.
👉Salıq kodeksi 390-statya
Solay eken, fizikalıq shaxs tárepinen yuridikalıq shaxsqa avtomobilin ijaraǵa beriwden alınǵan dárámatlar boyınsha salıq yuridikalıq shaxs tárepinen salıq agenti sipatında esaplap shıǵarıladı hám tólenedi.