Assalawma áleykum, Húrmetli salıq tólewshiler!
Xabarıńız bar usı jıldıń 16-mart kúni húrmetli Prezidentimizdiń Mámleketlik salıq kómitetine saparı dawamında salıq sistemasın nómerlestiriw, salıq tólewshilerge xızmet kórsetiw sapasın joqarılatıw, «Salıqshı – kómekshi» principi tiykarında isbilermenlik sub’ektleri menen tuwrıdan-tuwrı soylesiw, olar dus kelip atırǵan mashqalalardı úyreniw boyınsha bir qatar tapsırmalar bergen edi.
«Salıqshı – kómekshi» sistemasınıń mazmunı sonnan ibarat, eń aldı menen biz endi jumıs baslap atırǵan isbilermenge birinshi qádeminen, oǵan qaysı salıq rejimi qolay hám paydalı ekenligin tanlap beriwimiz zarúr. Onnan keyin bolsa, biznes sub’ektleriniń «jasap ketiwi», yaǵnıy háreketsiz kárxanalardı qayta tiklewge, buxgalteriyasın júritiw, esabatların toltırıwı hám tapsırılıwı, qullası, qanday mashqalası bolsa sheship beriw boyınsha járdem beriwge tiykarǵı itibar qaratıladı.
Shımbay rayonı mámleketlik salıq inspekciyasına 1-sherek ushın byudjet daramadlarına 11,2 mlrd.somlıq reje belgilengen bolıp, haqıyqatında 12,3 mlrd.somlıq tusim bolıwı támiyinlendi hám prognoz kórsetikishi 109,6 payızǵa (1,1 mlrd.somǵa artıǵı menen) orınlandı. Belgilengen rejeniń artıǵı menen orınlanıwında hár bir isbilermenniń úlesi, onıń qıyınshılıq hám mashqalaların tusingen halda, jaqın kómekshisi sıpatında jumıs shólkemlestirilgenligin tiykarǵı sebep desem aljaspayman.
Bugingi kúnde, tarawımızda qansha salıq nızamshılıǵın buzıw anıqlandı hám qosımsha salık esaplandı, dep isbilermendi jazalawǵa emes, kerisinshe salıq nızamshılıǵı buzılıwı qanshalıq darejede kemeygenligi hám artıqsha qárejetlerden saqlap qalıwǵa qansha úles qosılǵanlıǵına qarap belgilenedi. Haqıyqatında salıq xızmetkeri eń aldı menen, jańa jumıs baslap atırǵan isbilermenge, birinshi qademinen oǵan qaysı salıq rejimi qolay hám paydalı ekenligin tanlap beriwimiz zarúr. Sonnan keyin bolsa, biznes sub’ektleriniń «jasap ketiwi», yaǵnıy háreketsiz kárxanalardı qayta tiklewine kómek beriw, buxgalteriyasın júritiwi, esabatların toltırıwı hám tapsırılıwı, qullası, qanday mashqalası bolsa sheship beriw boyınsha xızmet kórsetiwge tiykarǵı itibar qaratıwımız lazım.
Búgingi qıyın sharayatta manzilli islewdi, xár bir isbilermen jumısına onıń qıyınshılıq hám mashqalaların túsingen halda kɵmekshi bolıwdı talap etedi.
Shımbay rayonı mámleketlik salıq inspekciyasında salıq tólewshilerdi qabıl qılıw boyınsha xana shólkemlestirildi hámde inspekciya salıq xızmetkerleriniń ámelge asırıw lazım bolǵan funkcional wazıypaların belgilep beretuǵın jeke tártip islep shıǵıldı. Sonnan, salıq tólewshilerdi qabıl etiw xanasında tiyisli bólimlerden (yuridikalıq táreplerge xızmet kórsetiw bóliminen 1 xızmetker, Kameral salıq tekseriwi sektorınan 1 xızmetker, Salıq qarızın óndiriwdi shólkemlestiriw bóliminen 1 xızmetker, Esaptı júritiw hám byudjet daramadların prognozlastırıw bóliminen 1 xızmetker, Shólkemlestiriw hám múrajaatlardı qabıl etiw bóliminen 1 hızmetker, Isbilermenlikti qollap-quwatlaw sektorınan 1 xızmetker) 6 xızmetker biriktirildi.
Isbilermnelik xızmetin endi baslap atırǵan hámde xızmeti dawamında qıyınshılıqqa dus kelgen isbilermenlik sub’ektlerine «Salıqshı–isbilermenge kómekshi» principi tiykarında salık organları tárepinen bir qansha jumıslar ámelge asırılıp kelinbekte.
«Salıqshı–isbilermenge kómekshi» principi sheńberinde Shımbay rayonınaǵı 177 isbilermenge kómeklesiw zárúrligi anıqlandı.
Sonnan, Kómeklesiw zárúr bolǵan isbilermenlik sub’ektleriniń
25 jaǵdayda daslepki buxgalteriyalıq esabatların júritiwdi túsindiriw,
E-ijara dasturi boyınsha 2 isbilermenge, E-imtiyoz dasturi boyınsha 19 isbilermenge tusinik beriw hám onnan qanday paydalanıw boyınsha kómeklesiw, 63 isbilermenge jeke esap betinen núsqa beriw, 2 isbilermenge 57,9 mln.somlıq QQSnan artıqsha tólemlerin qaytarıw, 24 isbilermenge 56,2 mln.somlıq basqa salıq túrlerinen artıqsha tólem sommaların qaytarıp beriw, 21 isbilermenge 340,2 mln.somlıq salıq qarızdarlıǵı múddetin uzayttırıw, 13 isbilermenniń basqa máseleler boyınsha mashqalaları unamlı sheship berildi.