Korrupciyaǵa qarsı gúresiw
Korrupciyanıń aldın alıw – áhmiyetli wazıypa
Qaraqalpaqstan Respublikası salıq xızmeti uyımlarında korrupciyanıń aldın alıw, mápler soqlıǵısıwına jol qoymaw hám xızmetkerler arasında hadallıq hám ashıq-aydınlıq ortalıǵın bekkemlew baǵdarındaǵı jumıslar izbe-iz dawam ettirilmekte.
Usı maqsette basqarmanıń Jeke qáwipsizlik bólimi tárepinen Shımbay hám Qaraózek rayonı salıq inspekciyalarında gezektegi úgit-násiyat ushırasıwı shólkemlestirildi. Profilaktikalıq ilajda jeke quram xızmetkerleri menen ashıq hám tikkeley sóylesiw alıp barıldı.
Ilajlar dawamında:
✔️ korrupciyanıń jámiet hám sistema rawajlanıwına unamsız tásiri.
✔️ mápler soqlıǵısıwınıń aldın alıwdıń huqıqıy tiykarları.
✔️ xızmet jumısında nızamshılıqqa qatań ámel etiw zárúrligi.
✔️ xızmetkerlerdiń juwapkershiligi hám hadallıq principleri hár tárepleme túsindirildi.
Sonday-aq, turmıslıq mısallar tiykarında hár qıylı jaǵdaylar tallanıp, olardıń aldın alıw boyınsha ámeliy usınıslar berildi.
