Isbilermenlerdiń salıq qarızına penya esaplaw waqtınsha toqtatıldı
“Hawa rayı keskin suwıtıp ketiwiniń ekonomikaǵa keri tásirin kemeytiw ushın isbilermenlik subektlerin qollap-quwatlaw ilajları haqkında”ǵı Prezident qararı (PQ–43-san, 03.02.2023-j.) qabıl etildi
✅ Qararǵa kóre, isbilermenlerdiń 2023-jıl 1-yanvarǵa salıstırǵanda 1-fevral jaǵdayına asqan (payda bolǵan) salıq qarızın 2023-jıl 1-martdan 1-iyulǵa shekem procentlersiz, qosımsha shártler qoymastan hám támiyinlew talap etpesten teń úleslerde bólip-bólip tólewge ruxsat beriledi.
➡️ Isbilermenlerdiń salıq qarızına penya esaplaw 2023-jıl 1-aprelge shekem toqtatıladı.
📝 Sırtqı sawda operaciyaları boyınsha múddeti ótken debitor qarızdarlıq ushın xojalıq júrgiziwshi subektlerge 2023-jıl 1-aprelge shekem járiymalar qollanılmaydı.
☑️ Sonday-aq, isbilermenler 2022-jıl dekabr hám 2023-jıl yanvar-fevral aylarında mámleketlik múlkinen paydalanǵanlıǵı ushın ijara tólewlerin 2023-jıl 1-marttan 1-iyulǵa shekem teń úleslerde bólip-bólip tólewi múmkin.
❕Isbilermenler tárepinen bólip-bólip tólew shárti menen satıp alınǵan mámleketlik aktivleri boyınsha 2022-jıl dekabr hám 2023-jıl yanvar aylarında tóleniwi lazım bolǵan tólemler, sonıń ishinde dáslepki tólem tólenbegenligi ushın procentler hám penyalar esaplaw 2023-jıl 1-aprelge shekem toqtatıp turıladı.
📌 2022-jıl dekabr hám 2023-jıl yanvar aylarında mámleketlik satıp alıwları sheńberinde dúzilgen shártnamalar shártleri hawa rayınıń keskin suwıtıp ketiwi sebepli orınlanbaǵanlıǵı ushın isbilermenlerge járiyma hám penyalar qollanılmaydı.
⏩ Hawa rayınıń keskin suwıtıp ketiwi aqıbetinde qıyınshılıqlarǵa dus kelgen isbilermenlerge qarata 2023-jıl 1-aprelge shekem mámleket paydasına óndiriwler menen baylanıslı sud hújjetleri hám basqa uyımlar hújjetleriniń májbúriy orınlanıwı toqtatıladı.
📝 Qararǵa kóre, isbilermenlerge hawa rayınıń keskin suwıtıp ketiwi aqıbetinde nasaz halǵa kelgen tiykarǵı qurallırdı ońlaw ushın ajıratılǵan kreditler boyınsha kredit summasınıń 50 procentine shekem (50 procenti de kiredi), leykin ulıwma bahası 2,5 mlrd sumnan aspaǵan muǵdarda kepillik beriledi.