Xabarin’iz bar usı jıldın’ 16-mart ku’ni húrmetli Prezidentimizdin’ Ma’mleketlik salıq komitetine saparı dawamında salıq sistemasın no’merlestiriw, salıq to’lewshilerge xızmet ko’rsetiw sapasın joqarılatıw, «Salıqshı ko’mekshi» princıpı tiykarında isbilermenlik subyektleri menen tuwrıdan-tuwrı so’ylesiw, olar dus kelip atırg’an mashqalalardı u’yreniw boyınsha bır qatar tapsırmalar bergen edi.
«Salıqshı ko’mekshi» sistemasının’ mazmunı sonnan ibarat, eń aldı menen biz endi jumıs baslap atırg’an isbilermenge birinshi qa’deminen, og’an qaysı salıq rejimi qolay ha’m paydalı ekenligin tańlap beriwimiz za’rúr. Onnan keyin bolsa, biznes subyektlerinin’ «jasap ketiwi», yag’nıy ha’reketsiz kárxanalardı qayta tiklewge, buxgalteriyasın ju’ritiw, esabatların toltırıwı ha’m tapsırılıwı, qullası qanday mashqalası bolsa sheship beriw boyınsha ja’rdem beriwge tiykarg’ı itibar qaratıladı.
Shımbay rayonı ma’mleketlik salıq inspekciyasına IV sherek oktyabr ayı ushın byudjet dáramatlarına 4.8 mlrd. somlıq reje belgilengen bolıp, haqıyqatında 5.4 mlrd. somlıq tu’sim bolwı ta’miyinlendi ha’m prognoz ko’rsetikishi 112,5 payızg’a (0,6 mlrd. sumg’a artıg’ı menen) orınlandı. Belgilengen rejeniń artıg’ı menen orınlanıwında hár bir isbilermennin’ u’lesi, onın’ qıyınshılıq ha’m mashqalaların tu’singen halda, jaqın ko’mekshisi sıpatında jumıs sho’lkemlestirilgenligin tiykarg’ı sebep desem aljaspayman.
Bu’gingi ku’nde, tarawımızda qansha salıq nızamshılıg’ın buzıw anıqlandı ha’m qosımsha salıq esaplandı, dep isbilermendi jazalawg’a emes, kerisinshe salıq nızamshılıg’ı buzılıwı qanshalıq dárejede kemeygenligi ha’m artıqsha qáejetlerden saqlap qalıwg’a qansha u’les qosılg’anlıg’ına qarap belgilenedi. Haqıyqatında salıq xızmetkeri en’ aldı menen, jan’a jumıs baslap atırg’an isbilermenge, birinshi qa’deminen og’an qaysı salıq rejimi qolay ha’m paydalı ekenligin tańlap beriwimiz za’rúr. Sonnan keyin bolsa, biznes subyektlerinin’ «jasap ketiwi», yag’niy háreketsiz kárxanalardı qayta tiklewine ko’mek beriw, buxgalteriyasın ju’ritiwi, esabatların toltırıw ha’m tapsırılıwı, qullası, qanday mashqalası bolsa sheship beriw boyınsha xızmet ko’rsetiwge tiykarg’ı itibar qaratıwımız lazım.
Búgingi qıyın shárayatta mánzilli islewdi, ha’r bir isbilermen jumısına onın’ qıyınshılıq ha’m mashqalaların tu’singen halda ko’mekshi bolıwdı talap etedi.
Shımbay rayonı ma’mleketlik salıq inspekciyasında salıq to’lewshilerdi qabıl qılıw boyınsha xana sho’lkemlestirildi ha’mde inspekciya salıq xızmetkerlerinin’ a’melge asırıw lazım bolg’an funkcional wazıypaların belgilep beretug’ın jeke tártip islep shig’ildi. Sonnan, salıq to’lewshilerdi qabıl etiw xanasında tiyisli bo’limlerden (yuridikalıq ta’replerge xızmet ko’rsetiw bo’liminen 1 xızmetker, Kameral salıq tekseriwi sektorınan 1 xızmetker, Salıq qarızın o’ndiriwdi sho’lkemlestiriw bo’liminen 1 xızmetker, Esaptı ju’ritiw ha’m byudjet dáramatların prognozlastırıw bo’liminen 1 xızmetker, Sho’lkemlestiriw hám múrájatlardı qabıl etıw bo’liminen 1 xızmetker, Isbilermenlikti qollap-quwatlaw sektorınan 1 xızmetker) 6 xızmetker biriktirildi.
Isbilermnelik xızmetin endi baslap atırg’an ha’mde xızmeti dawamında qıyınshılıqqa dus kelgen isbilermenlik subyektlerine «Salıqshı-isbilermenge ko’mekshi» principı tiykarında salıq shólkemleri ta’repinen bir qansha jumıslar amelge asırılıp kelinbekte.
«Salıqshı-isbilermenge ko’mekshi» principı shen’berinde Shımbay rayonındag’ı 21 isbilermenge ko’meklesiw zárúrligi anıqlandı.
Sonnan, ko’meklesiw za’rúr bolg’an isbilermenlik subyektlerinin’ 9 jag’dayda dáslepki buxgalteriyalıq esabatların ju’ritiwdi tu’sindiriw, E-ijara programması boyınsha 1 isbilermenge, 9 isbilermenge 65.6 mln.somlıq basqa salıq tu’rlerinen artıqsha to’lem summaların qaytarıp beriw, 2 isbilermennin’ basqa ma’seleler boyınsha mashqalaları unamlı sheship berildi.