Húrmetli salıq tólewshiler!
Xabarıńız bar, usi jıl 16-mart kúni Prezidentimiz Mámleketlik salıq komitetine barıp, salıq shólkemleri xızmetkerleri menen ushırasıw waqtında isbilermenler menen ushırasıp, olardıń máselelerin úyrenip, salıq nızamshılıg‘ındag‘ı ózgerisler boyınsha túsindiriwler alıp barıp, zárúr tapsırmalar bergen edi.
Búgingi kúnde de “Salıqshı – isbilermenge járdemshi” principi tiykarında Qońırat rayonı salıq xızmeti shólkemleri tárepinen isbilermenler aldına barǵan halda olardıń máselelerin úyrenip, kóshpeli salıq másláhátlari kórsetilip atır.
Mısal retinde Qońırat rayonında 4 sherek jumıslarında 425 kárxanalardıń máseleleri tolıq úyrenildi. Nátiyjede, salıq xızmeti shólkemleri xızmetkerleri járdemi menen 136 máseleler unamlı sheshildi. Búgingi kúnde basqa shólkemler menen baylanıslı máseleler qatań qadaǵalawǵa alınıp, sheriklikte sheshiw ilajları ko‘rilmekte.
Sonıń menen birge, úyreniwler dawamında salıq túrleri boyınsha 32 subyektlerdiń 223 million som ámeldegi artıqsha tólegen summası qaytarıp berildi. Atap ótiw orınlı, búgingi kúnde salıq tólewshilerge qolaylıqlar jaratıw maqsetinde elektron xızmetler kórsetiw kóleminiń jáne de keńeytiw zárúrli faktor bolıp atır. Mısalı, búgingi kúnde Qońırat rayonında “E-ijara” avtomatlastırılǵan programmalıq dástúri arqalı isbilermenlerge túsindiriw ilajları alıp barılmaqta.
Haqıyqattan da, Prezidentimiz aytıp ótkenindey, salıq tólewshilerge haqıyqıy mániste járdemshi, úyretiwshi bolıw salıq shólkemleriniń bas wazıypasına aylanıp atır. Usı mánisten alıp qaraǵanda, isbilermenler ushın jáne de jeńillik jaratıw ushın “Avtokameral” avtomatlastırılǵan informaciya sistemasınıń jumısqa túsiriliwi tarawdaǵı jańalıq boldı.
Bul sistema arqalı, salıq shólkemleri salıq tólewshiler iskerliginde tekseriwden aldıńǵı analizlerdi, itibar qaratıń tekseriwlerdi emes, analizlerdi ótkeriwi múmkin. Yaǵnıy, salıq tólewshi iskerligi dawamında qanday da aljasıqlarǵa jol qoyıp atırǵan bolsa yamasa esabatlarında qanday da kemshilikler anıqlanǵan jaǵdayda, avtomatlasqan sistema tezlik penen salıq tólewshiniń jeke kabinetine aljasıqlardı ońlaw haqqında xabarnama jiberedi. Sanalı programma ózi kemshiliklerdi anıqlap, waqtında isbilermenge járdemshi bolıp, xabar berip baradı. Eń áhmiyetlisi, bunda insan faktorı aralaspaydı.
Itibarlı táreplerden taǵı biri, salıq reformalarınıń jedellik penen ámelge asırılıwı hám de salıq mexanizmleriniń jáne de ápiwayılasıwı nátiyjesinde, jasırın ekonomika keskin qısqarıp, salıq túsimleri sezilerli dárejede artpaqta. Isbilermenlik subyektlerine salıq nızamshılıǵına kiritilgen ózgeris hám qosımshalar, jańalıqlar, avtomatlastırılǵan informaciya sistemaları haqqında úzliksiz túrde, tolıq maǵlıwmatlar berip barılmaqta.
Usı jıldıń 4 sheregi barısında “Soliq hamkor” programması arqalı Qońirat rayonında iskerlik kórsetip kiyatırǵan isbilermenlik subyektleri menen baylanıslı salıq huqıqbuzarlıqları haqqında jámi 14 múrájat kelip túsken bolıp, sonnan 3 múrájat túrli sebeplerge baylanıslı biykar etilgen. Olardıń 11 múrájatı boyınsha kóshpeli salıq tekseriwleri ótkerilip, sawda qaǵıydaları buzılǵanlıǵı tastıyıqlandı. Búgingi kunge shekem múrájatları óz tastıyıǵın tapqan.
Húrmetli isbilermenler!
Qońırat rayonı mámleket salıq xızmeti shólkemleri xızmetkerleri salıq tarawına tiyisli barlıq sorawlarıńızǵa juwap beriw, bilmegenlerińizdi úyretiw hám “Salıqshı – isbilermenge kómekshi” principi tiykarında sizge jaqınnan járdem beriwge barqulla tayın.