#ushırasıw
Qaraqalpaqstan Respublikаsı salıq basqarması baslıǵınıń birinshi orınbasarı I.Orazbaev hám Ámiwdárya rayonı hákiminiń orınbasarı H.Xaytimbetov rayondaǵı isbilermenlik subyektleri wákilleri menen ashıqtan-ashıq sáwbetlesiw ótkerdi.
Qaraqalpaqstan Respublikаsı salıq basqarması baslıǵınıń birinshi orınbasarı ámiwdaryalı isbilermenler menen ushırasıwında salıq tarawındaǵı sońǵı ózgerisler, atap aytqanda, Ózbekstan Respublikası Prezidentiniń 100-sanlı Pármanı tiykarında isbilermenlik ortalıǵın jaqsılaw hám MKQ-254-sanlı qararlarında belgilengen wazıypalar, sonday-aq, isbilermenlik subyektlerine berilip atırǵan imkaniyatlar haqqında hár tárepleme maǵlıwmat berildi.
Isbilermenler qatarın jáne de keńeytiw, jaratılıp atırǵan imkaniyatlardan nátiyjeli paydalanıwın támiyinlew maqsetinde shólkemlestirilip atırǵan ushırasıwlarda salıq nızamshılıǵına baylanıslı ózgerisler hám jańalıqlar haqqında sóz etilip, jeke menshik sektor wákilleriniń bar mashqala hám usınısları úyrenilmekte.
Isbilermenlerdiń salıq jeńilliklerin qollanıw, turaq jay emes obyektlerge múlk salıǵın esaplaw, QQStı qaytarıw hám salıq esabatların tapsırıwǵa baylanıslı múrájatları tıńlanıp, unamlı sheshiw ilajları kórildi.