#jaslar_ushırasıwı
♻️ Húrmetli Prezidentimiz tárepinen usı jıldıń 24-fevral sánesinde ótkerilgen Jaslar menen ushırasıwı búgin jaslardı jańa baslamalarǵa, ele de kóbirek óz ústinde islewge, izleniwge ruwxlandırmaqta.
📍Qaraqalpaqstan Respublikası salıq basqarması baslıǵı Erkin Narmanov tárepinen ótkerilgen jaslar menen ushırasıw da áne usı baǵdarda ótkerildi. Ushırasıwda tarawda miynet etip atırǵan jaslar, Berdaq atındaǵı QMUdıń Ekonomika baǵdarı studentleri menen ushırastı.
✅ Erkin pikirlew usılında ótkerilgen ushırasıw dawamında jaslar ózlerin qızıqtırǵan sorawları menen birge pikir hám usınısların da bildirdi. Jaslardıń pikir, usınısları basqarma baslıǵı tárepinen tıńlanıp, qollap-quwatlandı.
Basqarma baslıǵı tárepinen tarawda xızmet etip atırǵan jaslardıń nátiyjeli miynetleri ayrıqsha itibarǵa alındı. Bunday ushırasıwlar jaslardıń pikir hám baslamaların qollap-quwatlaw, olardıń jámiyettegi belsendiligin arttırıw jáne ruwxıy dúnyaqarasın arttırıwǵa xızmet etedi.
