Usı jıldıń 16-mart kúni Hurmetli prezidentimizdiń Mámleketlik salıq komitetine tashrifi dawamında salıq sistemasın raqamlashtirish, salıq tólewshilerge xizmet kórsetiw sapasın jaqsılaw “Salıqshı–isbilermenge kómekshi” principi tiykarında isbilermenlik subyektleri menen tuwrıdan-tuwrı baylanısta bolıw ha’m olardıń jumıs babındag’ı mashqalaların úyreniw boyınsha bir qatar tapsırmalar berilgen edi.
Usı tapsırmalardıń orınlanıwınan kelip shıǵıp meniń basshılıǵımda Xojeli rayonı Mámleketlik salıq inspekciyası tárepinen búgingi kúnde “Salıqshi isbilermenge ko’mekshi” principi tiykarında mámleketlik salıq xızmetkerleri tárepinen ámeliy isler jolǵa qoyılǵan.
Mámleketlik salıq komitetiniń 2021-jıl 11-yanvar kúngi “Salıqshı isbilermenge kómekshi” principi tiykarında isbilermenlerdi qollap-quwatlaw boyınsha ámelge asırılıwı lazım bolǵan “Háreketler rejesi”n tastıyıqlaw haqqındaǵı 10-sanlı buyrıǵı qabıl etildi.
Usı buyrıqqa tiykarlanıp kómeklesiw zárúr bolǵan isbilermenlik subyektleriniń dizimi islep shıǵılıp, bul toparǵa:
– Tazadan ashılǵan subyektler;
– Esabat usınbaǵanlar;
– “Nol” esabat usınǵanlar;
– Tólem ámelge asırmaǵanlar;
– Is haqı esaplamaǵanlar;
– Bank aylanısın ámelge asırmaǵanlar;
– Salıq uyımlarına bir neshe márte múrájat etken salıq tólewshiler kiritildi.
Usı kómekke zárúr bolǵan toparǵa kiritilgan isbilermenlik
subyektleriniń mashqalaların úyreniw hámde olarǵa járdem beriw barısında salıq uyımları tárepinen tiyisli is ilajlar alıp barılmaqta.
Atap aytqanda, Xojeli rayonlıq mámleketlik salıq inspekciyası tárepinen 2022-jıldın 1-dekabr halatina ja’mi 1487 isbilermenlik subyektleri aralıqtan hám ornına barǵan halda úyrenilip shıg’ılıp, salıq tólewshilerge kórsetiletuǵın arnawlı xızmetler dizimi menen tanıstırılıp, isbilermenlik subyektlerinin’ mashqalaları úyrenilip shıǵıldı.
U’reniw nátiyjesinde 1477 salıq uyımlarına baylanıslı bolǵan máseleler boyınsha mashqalaları bar ekenligi anıqlanıp, tiyisli ámeliy járdemler kórsetildi. Sonnan 169 jaǵdayda tazadan ashılǵan isbilermenlerge dáslepki buxgalteriya ju’ritiw boyınsha tusinik másláhatler berilip kelinbekte. 39 jaǵdayda E-ijara dástúri boyınsha,75 jaǵdayda E-imtiyoz da’sturi boyınsha tu’sinik másláhatlar berildi.
Sonday-aq 964 jaǵdayda 29,783 mln.somlıq basqa salıq túrlerinen artıqsha tólem sommaların qaytarıp beriw boyınsha máseleler sheship berildi. Qosımsha qun salıg’ı boyınsha artıqsha 24,9 mln som qaytarıldı. 10 jaǵdayda basqa mákeme hám shólkemlerge tiyisli mashqalalar barlıǵı anıqlandı. 1 jaǵdayda tazadan ashılǵan ka’rxanag’a gaz tartıw mashqalasin unamli sheship beriwde a’meliy ja’rdem berildi.
Úyreniw nátiyjesi boyınsha 6 jag’dayda tiyisli mekeme hám shólkemlerge xatlar shıǵarılıp qadagalawg’a alındı. 2 jag’dayda tazadan ashılg’an ka’rxanalarg’a 165 mln.somliq kredit alıwda unamlı sheship beriwde a’meliy ja’rdem berildi.
“Salıqshı isbilermenge kómekshi” principi tiykarında isbilermenlerdi qolap-quwatlaw boyınsha tiyisli is ilajlar salıq organları tárepinen dawam ettirilmekte.
Húrmetli isbilermenler!
Xojeli rayonı mámleketlik salıq uyımı xızmetkerleri sizlerge kómek beriwge hámiyshe tayın.