Qaraózek rayonı mámleketlik salıq inspekciyası tárepinen 2022-jıldıń 11 ayı dáwirinde 175 isbilermenler menen ushırasıwlar ótkerildi hám kómeklesiw zárúr járdemge mútáj isbilermenlik subyektlerinen 175 isbilermen menen jeke ushırasıp, salıq tólewshilerge kórsetiletuǵın arnawlı xızmetler dizimi menen tanıstırılıp, isbilermenlik subyektleriniń mashqalaları úyrenilip shıǵıldı.
Bársheńizdiń xabarıńız bar, usı jıldıń 16-mart kúni Húrmetli Prezidentimiz Mámleketlik salıq komitetine barıp, salıq uyımları xızmetkerleri menen ushırısıwı waqtında isbilermenlerde menen ushırasıp, olardıń máselelerin úyrenip, salıq nızamshılıǵındaǵı ózgerisler boyınsha túsindiriwler alıp barıp, bir qatar zárúr tapsırmalar bergen edi.
Búgingi kúnde «Salıqshı–isbilermenge kómekshi» principi tiykarında Qaraózek rayonı salıq xızmeti uyımı tárepinen isbilermenlerdiń aldına barǵan halda olardıń mashqalaları úyrenilip, kóshpeli tárizde salıq másláhátleri berilip, hár tárepleme járdemler berilip atır.
Oǵan ayqın mısal retinde Qaraózek rayonında 11 ayı dawamında 244 isbilermenlik subyektlerinen múrájatler kelip túsip, olar tolıǵı menen úyrenildi. Nátiyjede, salıq xızmeti uyımları xızmetkerleri járdemi menen 235 múrájat unamlı sheshimin taptı. Búgingi kúnde basqa shólkemler menen baylanıslı 9 másele qatań qadaǵalawǵa alınıp, sheriklikte sheshiwdiń ilájları kórilmekte.
Sonıń menen birge, úyreniwler dawamında salıq túrleri boyınsha 238 subyektlerdiń 937,7 million somlıq ámeldegi artıqsha tólemleri qaytarıp berildi.
Atap ótiw orınlı, búgingi kúnde salıq tólewshilerge qolaylıqlar jaratıw maqsetinde elektron xızmetler kórsetiw kólemin jánede keńeyttiriw zárúrli faktor bolıp atır.
Usı jıldıń 11 ayı dawamında «Salıqshı – isbilermenge kómekshi» principi arqalı Qaraózek rayonında iskerlik kórsetip kiyatırǵan isbilermenlik subyektleri menen baylanıslı salıq huqıqbuzarlıqları haqqında jámi 12 múrájat kelip túsken bolıp, olardıń 12 múrájati boyınsha da kóshpeli salıq tekseriwleri ótkerilip, sawda qaǵıydaları buzılǵanlıǵı tastıyıqlandı.
Usı jıldıń 11 ayı juwmaǵı menen rayonda 1290 puqara ózin ózi bánt etiw dástúri arqalı dizimnen ótip, belgili bir jumıs túrleri menen shuǵıllanıp kelmekte.
Qaraózek rayonı mámleketlik salıq xızmeti uyımları xızmetkerleri tárepinen salıq tólewshilerdiń múrájati hámde sorawlarına tezlik penen juwap qaytarıw maqsetinde telegramm messenjeri gruppaları shólkemlestirilgen bolıp (320den artıq aǵzası bar) isbilermenlerdiń soraw hám múrájatlerine óz waqtında belgilengen tártipte juwapları berilmekte.
Egerde sizler tárepinen salıq tarawına baylanıslı sorawlarıńız yaki mashqalalarıńız bolsa tómendegi telefon nomerleri arqalı soraw jollawıńız múmkin. (61) 465-54-13, (61) 465-42-85
Sonday-aq, 99-269-45-20 nomerli telegram messenjerinde jazba múrájat etiwińiz múmkin.
Húrmetli isbilermenler!
Qaraózek rayonı mámleketlik salıq uyımları xızmetkerleri salıq tarawına tiyisli barlıq sorawlarıńızǵa juwap beriw, bilmegenlerińizdi úyretiw hám «Salıqshı – isbilermenge kómekshi» principi tiykarında sizge jaqınnan járdem beriwge bárqulla tayın.