Kegeyli rayonı hákimliginiń májilisler zalında salıq nızamshılıǵına tiyisli qabıl etilgen huqıqıy-normativ hújjetler menen berilgen salıq jeńilliklerin isbilermenlerge hám salıq tólewshilerge tolıq jetkeriw maqsetinde taraw juwapkerlerdiń qatnasıwında seminar ótkerildi.
Seminarda, sońǵı jıllarda salıq nızamshılıǵındaǵı jańa norma hám salıq sistemasındaǵı bir qatar ózgerisler hám jeńilliklerdiń áhmiyetine keńnen toqtalınıp, qosımsha qun salıǵı, aylanbadan alınatuǵın salıq, jeke tártiptegi isbilermenler hám puqaralar ushın salıq jeńillikleri hám olardan paydalanıw tártibi boyınsha maǵlıwmatlar berildi.
Seminarda qatnasıwshılar ózlerin qızıqtırǵan sorawlarına juwaplar aldı.