Аssаlаwmа alеykum, Hu‘rmetli salıq to‘lewshiler!
Xabarın’ız bar usı jıldın’ 16-mart ku’ni hu’rmetli Prezidentimizdin’ Ma’mleketlik salıq komitetine saparı dawamında salıq sistemasın saplastırıw, salıq to’lewshilerge xizmet ko’rsetiw sapasın joqarılatıw, «Salıqshı ko’mekshi» principi tiykarinda isbilermenlik subyektleri menen tuwrıdan-tuwrı so’ylesiw, olar dus kelip atırg’an mashqalalardı u’yreniw boyınsha bir qatar tapsırmalar bergen edi.
«Salıqshı ko’mekshi» sistemasının’ mazmunı sonnan ibarat, eń aldı menen biz endi jumıs baslap atırg’an isbilermenge birinshi qa’deminen, og’an qaysı salıq rejimi qolay ha’m paydalı ekenligin tańlap beriwimiz za’ru’r. Onnan keyin bolsa, biznes subyektlerinin’ «jasap ketiwi», yag’niy ha’reketsiz ka’rxanalardı qayta tiklewge, buxgalteriyasin ju’ritiw, esabatların toltırıwı ha’m tapsırılıwı, qullası qanday mashqalası bolsa sheship beriw boyınsha ja’rdem beriwge tiykarg’ı itibar qaratıladı.
Usı jıldın’ to’rtinshi sheregi ushın salıq tólewshiler tárepinen 5 mlrd 789,7 mln.som salıq tólenilip, belgilengen prognoz kórsetkishi 5 mlrd 691,9 mln.som bolıp reje 101,7 payızǵa orınlandı.
Bu’gingi ku’nde, tarawımızda qansha salıq nizamshilig’in buzıw jaǵdayları anıqlandı ha’m qosımsha salıq esaplandı, dep isbilermendi jazalawg’a emes, kerisinshe salıq nızamshılıg’ı buzılıwı qansheli da’rejede kemeygenligi ha’m artıqsha qa’rejetlerden saqlap qalıwg’a, qansha u’les qosılg’anlıg’ına qarap belgilenedi. Haqıyqatında salıq xizmetkeri en’ aldı menen, jan’a jumıs baslap atırg’an isbilermenge, birinshi qa’deminen og’an qaysı salıq rejimi qolay ha’m paydalı ekenligin tańlap beriwimiz za’ru’r. Sonnan keyin bolsa, biznes subyektlerinin’ «jasap ketiwi», yag’niy háreketsiz kárxanalardı qayta tiklewine kómek beriw, buxgalteriyasin ju’ritiwi, esabatların toltırıw ha’m tapsırılıwı, qullasi, qanday mashqalasi bolsa sheship beriw boyınsha xizmet ko’rsetiwge tiykarg’i itibar qaratıwımız lazım.
Bu’gingi qıyın sha’rayatta mánzilli islewdi, ha’r bir isbilermen jumısına onın’ qıyınshılıq ha’m mashqalaların tu’singen halda ko’mekshi bolıwdı talap etedi.
Usı jıldıń 12 ayı dawamında “Soliq hamkor” dásturi arqalı Shomanay rayonında iskerlik alıp barıp atırǵan isbilermenlik subyektleri menen baylanıslı salıq huqıqbuzarlıqlar haqqında jámi 26 múrájat kelip tústi. Olarda kóshpeli salıq tekseriwleri ótkerilip, sawda qaǵiydaları buzılǵanlıǵı tastiyiqlandı.
Isbilermenlik xizmetin endi baslap atırg’an ha’mde xizmeti dawamında qıyınshılıqqa dus kelgen isbilermenlik subyektlerine «Salıqshı-isbilermenge ko’mekshi» principi tiykarinda salıq shólkemleri ta’repinen bir qansha jumıslar amelge asirilip kelinbekte.
«Salıqshı-isbilermenge ko’mekshi» principi shen’berinde Shomanay rayonındaǵı 45 isbilermenge ko’meklesiw za’ru’rligi anıqlandı.
Sonnan, ko’meklesiw za’ru’r bolg’an isbilermenlik subyektlerinin’
40 jag’dayda da’slepki buxgalteriyalıq esabatların ju’ritiwdi tu’sindiriw, 31 jaǵdayda salıq qarızdarlıǵı boyınsha maǵlıwmatnama beriw, 9 jaǵdayda salıq rejimin tańlawǵa kómeklesiw, 18 jag‘dayda salıq jeńillikleri hám olardı qollaw tártibin túsindiriw, 55 jaǵdayda jeke esap betinen nusqa beriw, 4 jaǵdayda 3 580,7 mıń.somlıq Aylanbadan alınatuǵın salıq boyınsha artıqsha tólemlerin qaytarıw, 7 jaǵdayda 10 985,4 mıń.somlıq basqa salıq túrlerinen artıqsha tólem summaların qaytarıp beriw 6 jaǵdayda salıq qarızdarlıǵı múddetin uzayıttırıw,
25 jag‘dayda debitor qarızdarlıǵınan óndiriwge kómeklesiw hám 20 jag‘dayda basqa máseleler boyınsha mashqalaları sheship berildi.