Xabarıńız bar, 2023-jıl 1-yanvardan baslap aylanıstan alınatuǵın salıqtı qatań belgilengen summada tólew tártibi engizildi.
Usı norma 2023-jıl 1-yanvardan kúshke kirgenligin itibarǵan halda, qatań belgilengen summadaǵı salıq tólewge 1-márte ótip atırǵan salıq tólewshiler ushın salıq uyımlarına xabarnamanı 2023-jıl 31-yanvardan keshiktirmey usınıw huqıqı berildi.
Usı tártipti tańlaw isbilermenlik subyektleri ushın tómendegi jeńilliklerdi beredi:
Salıq uyımlarına finanslıq esabatlar hám aylanıstan alınatuǵın salıq esabatın usınıw májbúriyatı júzege kelmeydi;
bank esapbetinen divident tárizinde sheship alınatuǵın qárejetler salıqqa tartılmaydı;
tovarlar esabın júritiw talap etilmeydi.
Qatań belgilengen summadaǵı salıq teń úleslerde hár ayda, kalendar aydan keyingi aydıń 15-kúninen keshiktirmey tólenedi.
Esletip ótemiz, mart ayınan baslap qatań belgilengen salıq tólew tártibine ótiw ushın salıq tólewshi salıq esabına qoyılǵan orındaǵı salıq uyımına keyingi ay baslanıwınan 10 kún aldın xabarnama jiberiw zárúr. Jańadan shólkemlestirilgen salıq tólewshiler mámleketlik dizimnen ótiw waqtında qatań belgilengen summadaǵı salıq tólewdi tańlawǵa haqlı.