Qaraqalpaqstan Respublikası salıq basqarmasında 2023-jıldan salıq nızamshılıǵına kiritilgen sońǵı ózgerisler, jańalıqlardı isbilermenlik subyektlerine jetkeriw maqsetinda seminar bolıp ótti.
Atap aytqanda, seminarda sózge shıqqanlar tárepinen:
2023-jıldıń 1-yanvarınan baslap Qosımsha qun salıg`ı stavkası 15 procentten 12 procentke túsiriliwi;
Qaplanatuǵın QQSnıń tiykarlılıǵı boyınsha kameral salıq tekseriwin ótkeriw múddeti 60 kúnnen 30 kúnge shekem qısqartılıwı;
2023-jıldıń 1-fevralınan baslap neft ónimleri hám islep shıǵarılatuǵın alkogol hám temeki ónimleri boyınsha akciz salıǵı stavkaları 10 procentke indeksaciya qılınbaqta. 2023-jıldıń 1-yanvarınan baslap alkogol hám temeki ónimlerin import qılıwda akciz salıǵı stavkaları 5 procentke azaytılǵanlıǵı hám basqa da ózgerisler haqqında atap ótildi.