Assalawma aleykum,
Húrmetli salıq tólewshiler.
Xabarińız bar, 2022-jıl 16-mart kúni Prezidentimiz Mámleketlik salıq komitetine barıp, salıq uyımları xızmetkerlerı menen ushırasıw waqtında isbilermenler menen ushırasıp, olardıń máselelerin úyrenip, salıq nızamshiliǵındaǵı ózgerisler boyınsha túsindiriwler alıp barıp, zárú’r tapsırmalar bergen edi.
Búgingi kúnde de “Salıqshı – isbilermenge járdemshi” principı tiykarında Qanlıkól rayonı mámleketlik salıq inpekciyası tárepinen isbilermenlik subyektleriniń jumıs orınlarına barǵan halda olardń máselelerin úyrenip, kóshpeli salıq másláhatleri kórsetilip atır.
Mámleketlik salıq komitetiniń 2021-jıl 11-yanvar kúngi “Salıqshı-isbilermenge kómekshi” principi tiykarında isbilermenlerdi qollap-quwatlaw boyınsha ámelge asırılıwı lazım bolǵan “Háreketler rejesi”n tastıyıqlaw haqqındaǵı 10-sanlı buyriǵi qabıl etildi.
Usı buyrıqqa tiykarlanıp kómeklesiw zárúr bolǵan isbilermenlik subyektleriniń dizimi islep shiǵılıp, bul toparǵa:
– tazadan ashılǵan subyektler;
– esabat usınbaǵanlar;
– “Nol” esabat usınǵanlar;
– tólem ámelge asırmaǵanlar;
– is haqı esaplamaǵanlar;
– bank aylanısın ámelge asırmaǵanlar;
– salıq uyımlarına bir neshe márte múrájat etken salıq tólewshiler kiritildi.
Usı kómekke zárúr bolǵan toparǵa kiritilgen isbilermenlik subyektleriniń mashqalaların úyrenıw hámde olarǵa járdem beriw barısında salıq uyımları tárepinen tiyisli ilajlar alıp barılmaqta.
Atap aytqanda, Qanlıkól rayonlıq mámleketlık salıq inspekciyası tárepinen 2023-jıldiń yanvar ayı dawamında 21 isbilermenler menen ushırasıwlar ótkerildi hám kómeklesiw zárúr bolǵan járdemge mútáj isbilermenlik subyektlerinen 10 isbilermen menen jeke ushırasıp, salıq to’lewshilerge kórsetiletuǵın arnawlı xızmetler dizimi menen tanıstırılıp, isbilermenlik subyektleriniń mashqalaları úyrenilip shiǵıldı.
Úyreniw nátiyjesinde 10 salıq uyımlarına baylanıslı bolǵan máseleler boyınsha mashqalaları bar ekenlıgı anıqlanıp, tiyisli ámeliy járdemler kórsetildi.
Sonnan 6 jaǵdayda jańadan jumısın jolǵa qoyıp atirǵan isbilermenlerge birinshi buxgalteriyalıq esabatların júritiwdi túsindiriw, 4 jaǵdayda jeke esap betinen nusqa beriw hám basqa máseleler boyınsha mashqalaları sheship berildi.
Soniń menen birge, úyreniwler dawamında salıq túrleri boyınsha 4 subyektlerdiń 5.6 million som ámeldegi artıqsha tólegen summası qaytarıp berildi. Búgingi kúnde salıq tólewshilerge qolaylıqlar jaratıw maqsetinde elektron xizmetler kórsetiw kóleminiń jáne de keńeytiw zárúrli faktor bolıp atır. Mısalı, búgingi kúnde Qanlıkól rayonında “E-ijara” avtomatlastirilǵan programmalıq dástúri arqali isbilermenlerge túsindiriw ilajlari alıp barılmaqta.
Haqıyqattan da, Prezidentimiz aytıp ótkenindey, salıq tólewshilerge haqıyqıy mániste járdemshi, úyretiwshi bolıw salıq shólkemleriniń bas wazıypasına aylanıp atır. Usı mánisten alıp qaraǵanda, isbilermenler ushın jáne de jeńillik jaratıw ushın “Avtokameral” avtomatlastirilǵan informaciya sistemasiniń jumısqa túsiriliwi tarawdaǵı jańalıq boldı.
Bul sistema arqalı, salıq shólkemleri salıq tólewshiler iskerliginde tekseriwden aldińǵıi analizlerdi, itibar qaratiń tekseriwlerdi emes, analizlerdi ótkeriwi múmkin. Yaǵnıy, salıq tólewshi iskerligi dawamında qanday da aljasıqlarǵa jol qoyıp atirǵan bolsa yamasa esabatlarında qanday da kemshilikler anıqlanǵan jaǵdayda, avtomatlasqan sistema tezlik penen salıq tólewshiniń jeke kabinetine aljasiqlardı ońlaw haqqında xabarnama jiberedi. Sapalı programma ózi kemshiliklerdi anıqlap, waqtında isbilermenge járdemshi bolıp, xabar berip baradi. Eń áhmiyetlisi, bunda insan faktori aralaspaydi.
Itibarli táreplerden jáne biri, salıq reformalariniń jedellik penen ámelge asiriliwi hám de salıq mexanizmleriniń jáne de ápiwayilasiwi nátiyjesinde, jasirin ekonomika keskin qisqarip, salıq túsimleri sezilerli dárejede artpaqta. Isbilermenlik subyektlerine salıq nızamshiliǵına kiritilgen ózgeris hám qosımshalar, jańalıqlar, avtomatlastirilǵan informaciya sistemalari haqqinda úzliksiz túrde, tolıq maǵlıwmatlar berip barılmaqta.
Húrmetli isbilermenler!
Qanlıkól rayonı mámleketlik salıq inspekciyası uyımları xızmetkerleri salıq tarawına baylanıslı barlıq sorawlarińızǵa juwap beriw, bilmegenlerińizdi úyretiw hám “Salıqshı – isbilermenge kómekshi” principi tiykarında sizge jaqınnan járdem beriwge bárqulla tayın.