«Salıqshı kómekshi» sistemasınıń mazmunı sonnan ibarat, eń aldı menen biz endi jumıs baslap atırǵan isbilermenge birinshi qádeminen, oǵan qaysı salıq rejimi qolay hám paydalı ekenligin tańlap beriwimiz zárúr. Onnan keyin bolsa, biznes subektleriniń «jasap ketiwi», yaǵniy háreketsiz kárxanalardı qayta tiklewge, buxgalteriyasin júritiw, esabatların toltırıwı hám tapsırılıwı, qullası qanday mashqalası bolsa sheship beriw boyınsha járdem beriwge tiykarǵı itibar qaratıladı.
Fevral ayı dawamında salıq tólewshiler tárepinen 1 mlrd 673 mln.som salıq tóleniliwi reje etip belgilengen bopıl, belgilengen prognoz kórsetkishi 1 mlrd
710,9 mln.somǵa yaǵniy 100,3 payızǵa orınlandı.
Búgingi kúnde, tarawımızda qansha salıq nızamshılıǵın buzıw anıqlandı hám qosımsha salıq esaplandı, dep isbilermendi jazalawǵa emes, kerisinshe salıq nızamshılıǵı buzılıwı qansheli dárejede kemeygenligi hám artıqsha qárejetlerden saqlap qalıwǵa, qansha úles qosılǵanlıǵına qarap belgilenedi. Haqıyqatında salıq xizmetkeri eń aldı menen, jańa jumıs baslap atırǵan isbilermenge, birinshi qádeminen oǵan qaysı salıq rejimi qolay hám paydalı ekenligin tańlap beriwimiz zárúr. Sonnan keyin bolsa, biznes subyektleriniń «jasap ketiwi», yaǵniy háreketsiz kárxanalardı qayta tiklewine ko’mek beriw, buxgalteriyasin ju’ritiwi, esabatların toltırıw hám tapsırılıwı, qullası, qanday mashqalası bolsa sheship beriw boyınsha xizmet ko’rsetiwge tiykarǵı itibar qaratıwımız lazım.
Búgingi qıyın shárayatta mánzilli islewdi, hár bir isbilermen jumısına onıń qıyınshılıq hám mashqalaların túsingen halda ko’mekshi bolıwdı talap etedi.
Usı jıldıń eki ayı dawamında “Soliq hamkor” dásturi arqalı Shomanay rayonında iskerlik alıp barıp atırǵan isbilermenlik subyektleri menen baylanıslı salıq huqıqbuzarlıqlar haqqında jámi 6 múrájat kelip tústi. Olarda kóshpeli salıq tekseriwleri ótkerilip, sawda qaǵıydaları buzılǵanlıǵı tastıyıqlandı.
Isbilermenlik xizmetin endi baslap atırǵan hámde xizmeti dawamında qıyınshılıqqa dus kelgen isbilermenlik subyektlerine «Salıqshı-isbilermenge kómekshi» principi tiykarinda salıq shólkemleri tárepinen bir qansha jumıslar ámelge asırılıp kelinbekte.
«Salıqshı-isbilermenge kómekshi» principi sheńberinde Shomanay rayonındaǵı 50 isbilermenge ko’meklesiw zárúrligi anıqlandı.
Búgingi kúnde qolında óneri bar yáki jeke tártipte belgili bir iskerlik penen shuǵıllanıp kiyatırǵan puqaralar kópshilikti quraydı. Olardıń ózin ózi bánt etiw, is stajına iye bolıwı ushın salıq xizmeti organları tárepinen kómeklesip kelinbekte. Sol qatarda, usı jıldın fevral ayı dawamında rayonda 115 puqara ózin ózi bánt etiw sisteması arqalı dizimnen ótip, turaqlı iskerlik penen shuǵıllanıp kelmekte.
Húrmetli salıq tólewshiler! Biz salıq xizmeti organları xizmetkerleri sizlerdiń múrájatlarıńızdıń nızamlı sheshim tabıwı, iskerligińiz dawamında payda bolǵan barlıq túsinbewshiliklerge sheshim tabıwda bárqulla kómek beriwge tayyarmız.