Xabarın’ız bar, 2022-jildıń 16-mart ku’ni Prezidentimiz O’zbekstan Respublikası Ekonomika ha’m Finans Ministrligi janindag’i Saliq komitetine barıp, salıq sho’lkemleri xizmetkerleri menen ushırasıw waqtında isbilermenler menen ushırasıp, olardin’ ma’selelerin u’yrenip, salıq nızamshilig’indag’ı o’zgerisler boyınsha tu’sindiriwler alıp barıp, za’ru’r tapsırmalar bergen edi.
Bu’gingi ku’nde de “Salıqshı – isbilermenge ja’rdemshi” principi tiykarinda Qanlıkól rayonı salıq xızmeti sho’lkemleri ta’repinen isbilermenler aldina barg’an halda olardin’ ma’selelerin u’yrenip, ko’shpeli salıq ma’sla’ha’tleri ko’rsetilip atır.
Salıq komitetinin’ 2021-jil 11-yanvar ku’ngi “Salıqshı-isbilermenge ko’mekshi” principi tiykarinda isbilermenlerdi qollap-quwatlaw boyınsha a’melge asiriliwı lazım bolg’an “Ha’reketler rejesi”n tastıyıqlaw haqqındag’i 10-sanlı buyrig’ı qabıl etildi.
Usı buyrıqqa tiykarlanıp ko’meklesiw za’ru’r bolg’an isbilermenlik subyektlerinin’ dizimi islep shig’ilip, bul toparg’a:
– tazadan ashılg’an subyektler;
– esabat usınbag’anlar;
– “Nol” esabat usıng’anlar;
– to’lem a’melge asırmag’anlar;
– is haqı esaplamag’anlar;
– bank aylanısın a’melge asırmag’anlar;
– salıq uyımlarina bir neshe ma’rte mu’rájat etken salıq to’lewshiler kiritildi.
Usı ko’mekke za’ru’r bolg’an toparg’a kiritilgen isbilermenlik subyektlerinin’ mashqalalarin u’yreniw ha’mde olarg’a ja’rdem beriw boyınsha salıq organlari ta’repinen tiyisli ilajlar alıp barılmaqta.
Atap aytqanda, Qanlıko’l rayonı salıq inspekciyasi ta’repinen 2023-jildin’ mart ayi dawamında 29 isbilermenler menen ushirasiwlar o’tkerdik ha’m ko’meklesiw za’ru’r bolg’an ja’rdemge mu’ta’j isbilermenlik subyektlerinen 15 isbilermen menen jeke ushırasıp, salıq to’lewshilerge ko’rsetiletug’in arnawlı xizmetler dizimi menen tanıstırılıp, isbilermenlik subyektlerinin’ mashqalaları u’yrenilip shıg’ıldı.
U’yreniw na’tiyjesinde 15 salıq uyımlarına baylanıslı bolg’an ma’seleler boyınsha mashqalaları bar ekenligi anıqlanıp, tiyisli a’meliy ja’rdemler ko’rsetildi.
Sonnan 9 jag’dayda jan’adan jumisin jolg’a qoyip atirg’an isbilermenlerge birinshi buxgalteriyaliq esabatlarin ju’ritiwdi tu’sindiriw, 6 jag’dayda jeke esap betinen nusqa beriw ha’m basqa ma’seleler boyınsha mashqalalari sheship berildi.
Sonın’ menen birge, u’yreniwler dawamında salıq tu’rleri boyınsha 2 subyektlerdin’ 2.1 million som a’meldegi artıqsha to’legen summasi qaytarıp berildi. Bu’gingi ku’nde salıq to’lewshilerge qolayliqlar jaratiw maqsetinde elektron xizmetler ko’rsetiw ko’lemin ja’ne de ken’eytiw za’ru’rli faktor bolıp atır. Mısalı, bu’gingi ku’nde Qanlıko’l rayonında “E-ijara” avtomatlastırılg’an programmalıq da’stu’ri arqalı isbilermenlerge tu’sindiriw ilajlari alıp barılmaqta.
Haqıyqattan da, Prezidentimiz aytıp o’tkenindey, salıq to’lewshilerge haqıyqıy ma’niste ja’rdemshi, u’yretiwshi bolıw salıq sho’lkemlerinin’ bas wazıypasına aylanıp atır. Usı ma’nisten alıp qarag’anda, isbilermenler ushın ja’ne de jen’illik jaratıw ushın “Avtokameral” avtomatlastırılg’an informaciya sistemasinin’ iske tu’siriliwi tarawdag’i jan’aliq boldi.
Bul sistema arqali, saliq sho’lkemleri saliq to’lewshiler iskerliginde tekseriwden alding’i analizlerdi, itibar qaratin’ tekseriwlerdi emes, analizlerdi o’tkeriwi mu’mkin. Yag’nıy, salıq to’lewshi iskerligi dawamında qanday da aljasıqlarg’a jol qoyıp atırg’an bolsa yamasa esabatlarında qanday da kemshilikler anıqlang’an jag‘dayda, avtomatlasqan sistema tezlik penen salıq to’lewshinin’ jeke kabinetine aljasıqlardı on’law haqqında xabarnama jiberedi. Sapali programma o’zi kemshiliklerdi anıqlap, waqtında isbilermenge ja’rdemshı bolıp, xabar berip baradi. En’ a’hmiyetlisi, bunda insan faktori aralaspaydi.
Itibarli ta’replerden tag’i biri, salıq reformalarinin’ jedellik penen a’melge asırılıwı ha’m de salıq mexanizmlerinin’ ja’ne de a’piwayilasiwi na’tiyjesinde, jasırın ekonomika keskin qısqarıp, salıq tu’simleri sezilerli da’rejede artpaqta. Isbilermenlik subyektlerine salıq nızamshılıg’ına kiritilgen o’zgeris ha’m qosımshalar, jan’alıqlar, avtomatlastırılg’an informaciya sistemalari haqqında u’zliksiz tu’rde, tolıq mag’lıwmatlar berip barılmaqta.
Hu’rmetli isbilermenler!
Qanlıko’l rayonı salıq xızmetı sho’lkemlerı xızmetkerleri salıq tarawına tiyisli barlıq sorawlarin’ızg’a juwap beriw, bilmegenlerin’izdi u’yretiw ha’m “Saliqshi – isbilermenge ko’mekshi” principi tiykarında sizge jaqınnan ja’rdem beriwge ba’rqulla tayın.