Bozataw rayonı salıq inspekciyası tárepinen 2023-jıl 1-sherek ushın belgilengen 2 425,2 mln.sumlıq rejeni 2 565,7 mln.sumǵa orınlap, shereklik reje 105.8% payızǵa orınlandı. Sonday-aq inspekciyası baslıǵı tárepinen 2023-jıl 1-sherek dawaminda jami 80 isbilermenler menen ushırasıwlar ótkerildi. Kómeklesiw zárúr járdemge mútáj isbilermenlik subyektlerinen 62 isbilermen menen jeke ushırasıp, salıq tólewshilerge kórsetiletuǵın arnawlı xızmetler dizimi menen tanıstırılıp, isbilermenlik subyektleriniń mashqalaları úyrenilip shıǵıldı.
Búgingi kúnde «Salıqshı – isbilermenge kómekshi» principi tiykarında Bozataw rayonı salıq xızmeti uyımı tárepinen isbilermenlerdiń aldına barǵan halda olardıń mashqalaları úyrenilip, kóshpeli tárizde salıq másláhátleri berilip, hár tárepleme járdemler berilip atır.
Oǵan ayqın mısal retinde Bozataw rayonında yanvar-mart ayıları dawamında 31 isbilermenlik subyektlerinen múrájatler kelip túsip, olar tolıǵı menen úyrenildi. Nátiyjede, salıq xızmeti uyımları xızmetkerleri járdemi menen 18 múrájat unamlı sheshimin taptı. Búgingi kúnde basqa shólkemler menen baylanıslı 4 másele qatań qadaǵalawǵa alınıp, sheriklikte sheshiwdiń ilájları kórilmekte.
Atap ótiw orınlı, búgingi kúnde salıq tólewshilerge qolaylıqlar jaratıw maqsetinde elektron xızmetler kórsetiw kólemin jánede keńeyttiriw zárúrli faktor bolıp atır.
Mısalı, búgingi kúnde Bozataw rayonında “E-ijara” avtomatlastırılǵan programmalıq dástúri arqalı isbilermenlerge túsindiriw ilájları alıp barılmaqta.
Bul informaciyalıq sisteması arqalı, salıq uyımları salıq tólewshiler iskerliginde tekseriwden aldınǵı analizlerge itibar qaratıp tekseriwlerdi emes, analizlerdi ótkeriwi múmkin. Yaǵnıy, salıq tólewshi iskerligi dawamında qanday da aljasıqlarǵa jol qoyıp atırǵan bolsa yamasa esabatlarında qanday da kemshilikler anıqlanǵan jaǵdayda, avtomatlasqan sistema tezlik penen salıq tólewshiniń jeke kabinetine aljasıqlardı tuwrılaw haqqında xabarnama jiberedi. Sanalı programma ózi kemshiliklerdi anıqlap, waqtında isbilermenge járdemshi bolıp, xabar berip baradı. Eń áhmiyetlisi, bunda insan faktorı aralaspaydı.
Itibarlı táreplerden taǵı biri, salıq reformalarınıń jedellik menen ámelge asırılıwı hámde salıq mexanizmleriniń jánede ápiwayılasıwı nátiyjesinde, jasırın ekonomika keskin qısqarıp, salıq túsimleri sezilerli dárejede artpaqta. Isbilermenlik subyektlerine salıq nızamshılıǵına kiritilgen ózgeris hám qosımshalar, jańalıqlar, avtomatlasırılǵan informaciyalıq sistemaları haqqında úzliksiz túrde, tolıq maǵlıwmatlar berip barılmaqta.
Usı yanvar ayı dawamında «Salıqshı – isbilermenge kómekshi» dástúri arqalı Bozataw rayonında iskerlik kórsetip kiyatırǵan isbilermenlik subyektleri menen baylanıslı salıq huqıqbuzarlıqları haqqında múrájatlar kelip túspedi
Búgingi kúnde qolında óneri bar yaki úyinde jeke tártipte qandayda bir jumıs túri menen shuǵıllanıp kiyatırǵan puqaralarımız da barshılıq. Olardıń ózin ózi bánt etiwi, ish stajına iye bolıwı ushın salıq uyımı xızmetkerleri tárepinen bárqulla járdemler kórsetilip kelinbekte.
Atap ótsek, jıl dawaminda rayonda 307 puqara ózin ózi bánt etiw dástúri arqalı dizimnen ótip, belgili bir jumıs túrleri menen shuǵıllanıp kelmekte.
Egerde sizler tárepinen salıq tarawına baylanıslı sorawlarıńız yaki mashqalalarıńız bolsa tómendegi telefon nomerleri arqalı soraw jollawıńız múmkin. (33) 103-35-10, (33) 103-35-14.
Húrmetli isbilermenler!
Bozataw rayonı salıq uyımları xızmetkerleri salıq tarawına tiyisli barlıq sorawlarıńızǵa juwap beriw, bilmegenlerińizdi úyretiw hám «Salıqshı – isbilermenge kómekshi» principi tiykarında sizge jaqınnan járdem beriwge bárqulla tayın.