Prezidentimizdiń 2023-jil 30-mart kúngi elimizge sapari dawaminda Kegeyli rayoni Aqtuba APJ da jaylasqan “KEGEYLI TEX GROUP” juwapkershiligi sheklengen jámiyetinde bolip isbilermen hám isshi topar menen ushrasiwinda olardi qollap quwatlap jumislarina rawaj tilep eleda aldag’i jumislarina kush-quwat isenim berdi dep ayta alamiz.
Kegeyli rayonı Saliq inspeksiyasi tarepinen 1-aprelge shekem mashqalasi bar 334 kárxanalardıń máseleleri uyrenilip shigildi. Sonnan salıq xızmeti shólkemleri xızmetkerleri járdemi menen 201 karxananin’ máseleleri unamlı sheshildi. Búgingi kúnde basqa shólkemler menen baylanıslı máseleler qatań qadaǵalawǵa alınıp, sheriklikte sheshiw ilajları ko’rilmekte.
Sonida atap ótiw kerek usi jildiń 25-mart kúni Kegeyli rayoninda Puxaralardiń mashqalarina sheshim tabiw boyinsha Joqari Keńes basliǵi Amanbay Orinbaevtiń Kegeyli, Bozataw hám Nókis rayonlari puqaralari ushin gezektegi jeke qabillawi bolip ótti.
Puqaralar tarepinen tiykarinan materialliq járdem kórsetiw, sotsialliq qollap quwatlaw, bank kreditleri, Saliq tólemleri menen baylanisli máseleler, turaq jayin ońlap beriw siyaqli bir qatar sheshim kútip turǵan hám isbilermenlik jumisinda ushrasip atirǵan mashqalalar boyinsha múrajatlar bildirildi ayrimlarina sol jerdiń ózinde sheshim tapti
Sonıń menen birge, úyreniwler dawamında salıq túrleri boyınsha 47 subyektlerdin’ 21million 200min’ som ámeldegi artıqsha tólegen summası qaytarıp berildi. Atap ótiw orınlı, búgingi kúnde salıq tólewshilerge qolaylıqlar jaratıw maqsetinde elektron xızmetler kórsetiw kóleminiń jáne de keńeytiw zárúrli faktor bolıp atır. Mısalı, búgingi kúnde Kegeyli rayonında “E-ijara” avtomatlastırılg’an programmalıq da’sturi arqalı isbilermenlerge túsindiriw ilajları alıp barılmaqta.
Haqıyqattan da, Prezidentimiz aytıp ótkenindey, salıq tólewshilerge haqıyqıy mániste járdemshi, úyretiwshi bolıw salıq shólkemleriniń bas wazıypasına aylanıp atır. Usı mánisten alıp qaraǵanda, isbilermenler ushın jáne de jeńillik jaratıw ushın “Avtokameral” avtomatlastırılǵan informaciya sistemasınıń jumısqa túsiriliwi tarawdaǵı jańalıq boldı.
Bul sistema arqalı, salıq shólkemleri salıq tólewshiler iskerliginde tekseriwden aldınǵı analizlerdi, itibar qaratıń tekseriwlerdi emes, analizlerdi ótkeriwi múmkin. Yaǵnıy, salıq tólewshi iskerligi dawamında qanday da aljasıqlarǵa jol qoyıp atırǵan bolsa yamasa esabatlarında qanday da kemshilikler anıqlang’an jag’dayda, avtomatlasqan sistema tezlik penen salıq tólewshiniń jeke kabinetine aljasıqlardı ońlaw haqqında xabarnama jiberedi. Sanalı programma ózi kemshiliklerdi anıqlap, waqtında isbilermenge járdemshi bolıp, xabar berip baradı. Eń áhmiyetlisi, bunda insan faktorı aralaspaydı.
Itibarlı táreplerden taǵı biri, salıq reformalarınıń jedellik menen ámelge asırılıwı hám de salıq mexanizmleriniń jáne de ápiwaylasıwı nátiyjesinde, jasırın ekonomika keskin qısqarıp, salıq túsimleri sezilerli dárejede artpaqta. Mısalı, Kegeyli rayonında 2023 jıl mart ayina belgilengen 3 milliard 105mln somlıq byudjet prognoz jobası 3milliard 13mln somg’a orinlandi.
Isbilermenlik sub’ektlerine salıq nızamshılıǵına kiritilgen ózgeris hám qosımshalar, jańalıqlar, avtomatlastırılgan informaciya sistemaları haqqında úzliksiz túrde, tolıq maǵlıwmatlar berip barılmaqta.
Húrmetli isbilermenler!
Kegeyli rayonı mámleket salıq xızmeti shólkemleri xızmetkerleri salıq tarawına tiyisli barlıq sorawların’izg’a juwap beriw, bilmegenlerin’izdi úyretiw hám “Salıqshı – isbilermenge kómekshi” principi tiykarında sizge jaqınnan járdem beriwge barqulla tayın.