2022-jıldıń 16-mart kúni Húrmetli Prezidentimizdiń salıq komitetine saparı dawamında salıq sistemasın cifrlastırıw, salıq tólewshilerge xizmet kórsetiw sapasın jaqsılaw “Salıqshı–isbilermenge kómekshi” princıpı tiykarında isbilermenlik subyektleri menen tuwrıdan-tuwrı baylanısta bolıw hám olardıń jumıs babındaǵı mashqalaların úyreniw boyınsha bir qatar tapsırmalar berilgen edi.
Usı tapsırmalardıń orınlanıwınan kelip shıǵıp meniń basshılıǵımda Xojeli rayonı salıq inspekciyası tárepinen búgingi kúnde “Salıqshi isbilermenge kómekshi” princıpı tiykarında salıq isshileri tárepinen ámeliy isler jolǵa qoyılǵan. Salıq komitetiniń 2021-jıl 11-yanvar kúngi “Salıqshı isbilermenge kómekshi” princıpı tiykarında isbilermenlerdi qolap-quwatlaw boyınsha ámelge asırılıwı lazım bolǵan “Háreketler rejesi” tastıyıqlaw haqqındaǵı 10-sanlı buyrıǵı qabıl etildi.
Usı buyrıqqa tiykarlanıp kómeklesiw zárúr bolǵan isbilermenlik subyektleriniń dizimi islep shıǵılıp, bul toparǵa:
– Tazadan ashılǵan subyektler;
– Esabat usınbaǵanlar;
– “Nol” esabat usınǵanlar;
– Tólem ámelge asırmaǵanlar;
– Is haqı esaplamaǵanlar;
– Bank aylanısın ámelge asırmaǵanlar;
– Salıq uyımlarına bir neshe márte múrájat etken salıq
tólewshiler kiritildi.
Usı kómekke zárúr bolǵan toparǵa kiritilgan isbilermenlik subyektleriniń mashqalaların úyreniw hámde olarǵa járdem beriw barısında salıq organları tárepinen tiyisli is ilajlar alıp barılmaqta. Atap aytqanda Xojeli rayonlıq salıq inspekciyası tárepinen 2023-jıldıń 1-aprel halatına jámi 651 isbilermenlik subyektleri aralıqtan hám ornına barǵan halda úyrenilip shıǵılıp, salıq tólewshilerge kórsetiletuǵın arnawlı xızmetler dizimi menen tanıstırılıp, isbilermenlik subyektleriniń mashqalaları úyrenilip shıǵıldı. Úyreniw nátiyjesinde 634 halatta salıq uyımlarına baylanıslı bolǵan máseleler boyınsha mashqalaları bar ekenligi anıqlanıp, tiyisli ámeliy járdemler kórsetildi. Sonnan 57 jaǵdayda tazadan ashılǵan isbilermenlerge dáslepki buxgalteriya júritiw boyınsha túsinik másláhatler berilip kelinbekte. 353 jaǵdayda “E-imtiyoz” dástúri boyınsha túsinik másláhatlar berildi.
Sonday-aq, 144 jaǵdayda 210,2 mln.somlıq basqa salıq túrlerinen artıqsha tólem summaların qaytarıp beriw boyınsha máseleler sheship berildi. 3jaǵdayda salıq organına baylanıslı basqa máseleler sheshilip berildi.
“Salıqshı isbilermenge kómekshi” princıpı tiykarında isbilermenlerdi qollap-quwatlaw boyınsha tiyisli is-ilajlar salıq organları tárepinen dawam ettirilmekte. Húrmetli isbilermenler! Xojeli rayonı salıq organı xizmetkerleri sizlerge kómek beriwge barqulla tayın.