Fizikalıq shaxslardıń mal-múlk salıǵı hám jer salıǵına esaplanǵan penya summaları esaptan shıǵarıladı
“Jedel isbilermenlik ortalıǵın qáliplestiriwdi jáne de xoshametlew, salıq minnetlemesin orınlawda xalıq tárepinen artıqsha qárejetlerge jol qoymaw hám de qosımsha jumıs orınların jaratıwǵa baylanıslı ilajlar haqqında”ǵı Prezident qararı (PQ-192-san, 14.06. 2023-j.) qabıl etildi
⚡️ Qararǵa kóre, 2023-jıl 1-iyun jaǵdayına tómendegiler esaptan shıǵarıladı:
🔸 fizikalıq shaxslardan alınatuǵın mal-múlk salıǵı hám jer salıǵı (turaq jay bolmaǵan kóshpes múlk obektleri bunnan tısqarı) boyınsha múddetinde tólenbegen qarızına esaplanǵan penya summaları;
🔸aqırǵı 6 ay dawamında finans-xojalıq iskerligin ámelge asırmay atırǵan Jeke tártiptegi isbilermenlerdiń qatań belgilengen muǵdarlardaǵı fizikalıq shaxslardan alınatuǵın dáramat salıǵı hám sociallıq salıqtan payda bolǵan qarızı hámde olarǵa esaplanǵan penya hám járiymalar summası;
🔸xojaliq jurgiziwshi subektlerdiń sırtqı sawda operaciyaları boyınsha múddeti ótken depitor qarızdarlıǵı ushın qollanılǵan járiymalar summası.
Bul salıq qarızı, penya hám járiymalardı óndiriw menen baylanıslı sud hám orınlaw jumısları tamamlanadı.
🗓 2024-jıl 1-iyunǵa shekem jer uchastkalarınan hújjetlersiz paydalanıp atırǵan fizikalıq shaxslarǵa jer salıǵınıń 3 ese asırılǵan stavkasında salıq esaplaw tártibi toqtatıladı.
▶️ Fermer xojalıqlarına 2023-jıl 1-iyun jaǵdayına qáliplesken suw salıǵınan qarızın 12 ay dawamında teń úleslerde procentsiz bólıp-bólıp tólewge ruxsat etildi.
📖 2023-jıl 1-iyulden 2024-jıl 1-iyulǵa shekem teplicaǵa qánigelesken jer maydanı 25 sotixdan kóp bolǵan isbilermenler tárepinen jumısshılarınıń miynetke haqı tólew formasındaǵı dáramatları boyınsha tólengen fizikalıq shaxslardan alınatuǵın dáramat salıǵın tómendegi shártlerge bir waqıttıń ózinde ámel etilgende isbilermenlerge qaytarıp beriw tártibi engiziledi:
➖har bir 5 sotix jer maydanı ushın ayına keminde 1 (bir) jumısshınıń bandligin támiyinlew;
➖har bir jumısshı ushın ayına miynetke haqı tólew formasındaǵı dáramattı miynetke haqı tólewdiń eń kem muǵdarınıń 1 (bir) esesinen kem bolmaǵan (980 mıń sum) muǵdarda belgilew;
➖teplicaǵa qánigelesken isbilermenlik subektleri tárepinen teplica jumısı boyınsha alǵan dáramatları ámeldegi esabat (salıq) dáwiri juwmaqları boyınsha jámi dáramattıń keminde 60 procentin qurawı.