#bilesizbe
🔰 Ózbekstan Respublikası Salıq kodeksiniń 378-statyası 16-bántine muwapıq salıq organına deklaraciya tapsırıw arqalı kontrakt tóleminde salıq shegirmesinen paydalanıw múmkin.
🔸 Joqarı oqıw orınlarında oqıw (óziniń, perzentleriniń yamasa kúyewiniń (hayalınıń)oqıwı) ushın tólem ámelge asırılǵanda, tólem qılınǵan bólegi dáramat salıǵınan azat etiledi.
🔸Oqıw ushın tólem tómendegiler esabınan ámelge asırılǵanda salıq jeńilligi beriledi:
🔹 óz qárejetleri;
🔹 fizikalıq shaxsqa kommerciyalıq bankler tárepinen berilgen tálim kreditleri;
🔹 yuridikalıq shaxslar tárepinen fizikalıq shaxslarǵa qaytarıw shárti menen berilgen qarjıları (ssudalar).
🔹 tólem aylıq is haqısınan emes, ǵárezsiz ámelge asırılǵanda, salıq organına jámi jıllıq dáramat haqqındaǵı deklaraciyanı tapsırǵan halda salıq jeńilliginen paydalanıw múmkin.
❗️Bunda, salıq jeńilligi JOOda oqıw ushın haqıyqatta ámelge asırılǵan qárejetler summasına, salıq dáwiri ushın kórsetilgen fizikalıq shaxstıń jámi jıllıq dáramatı muǵdarında beriledi.
🔸Salıq jeńilligine bolǵan huqıqtı tastıyıqlaw ushın tómendegiler tapsırıladı:
🔹 student penen joqarı oqıw ornı arasında tólemli-kontrakt tiykarında oqıtıw haqqında dúzilgen shártnama nusqası;
🔹kommerciyalıq bank penen tálim kreditin alıw ushın dúzilgen shártnama nusqası;
🔹 joqarı oqıw orınları esap betine pul qarjıların ǵárezsiz tólegenligin tastıyıqlawshı hújjetler nusqası;
🔹 pasport nusqası hám studenttiń tuwılǵanlıq haqqındaǵı gúwalıǵı nusqası.
🔸 Salıq jeńilligi mámleketlik salıq xızmeti organları arqalı fizikalıq shaxstıń jámi jıllıq dáramatı haqqındaǵı deklaraciyanı tapsırıw arqalı hám salıq tólewshiniń jazba arzasına tiykar tólem dereginde – jumıs beriwshi tárepinen de beriliwi múmkin.
⚠️ Esletip ótemiz, jámi jıllıq daramatıńız haqqındaǵı deklaraciyanı salıq inspekciyasına 🚶 barıp yamasa ✉️ pochta arqalı buyırtpa xatta jiberiw yaki bolmsasa 📧 salıq tólewshiniń jeke kabineti arqalı elektron formada tapsırıwıńızǵa boladı.
Qosımsha sorawlarıńızdı sociallıq tarmaqlardaǵı http://t.me/saliqqa_murajat_bot mánziline jollasańız boladı.