FINANSLIQ SANKCIYALAR
📌 Finanslıq sankciyalar salıqqa baylanıslı huqıqbuzarlıq islegenligi ushın juwapkershilik sharası bolıp tabıladı.
Juwapkershilikti jeńillestiriwshi hesh bolmaǵanda bir halat bolǵan jaǵdayda, járiyma muǵdarı Salıq Kodeksiniń (http://lex.uz//docs/4674902) tiyisli statyasında belgilengen muǵdarǵa salıstırǵanda eki márte kemeytiledi.
Anıqlanǵan salıqqa baylanıslı huqıqbuzarlıqlardaǵı ayıbın tán alǵanda hám salıq uyımınıń salıqqa baylanıslı huqıqbuzarlıq ushın juwapkershilikke tartıw haqqındaǵı sheshimi alınǵan kúnnen baslap on kúnlik múddette finanslıq sankciyalar summası ıqtıyarıy túrde tólengende járiyma muǵdarı Salıq Kodeksiniń tiyisli statyalarında belgilengen muǵdarǵa salıstırǵanda eki esesine kemeytiledi.
Salıq Kodeksiniń 216 -statyası ekinshi bóleminde názerde tutılǵan jaǵdaylar bar bolǵanda, járiyma muǵdarı eki ese asırıladı.
Bir shaxs tárepinen eki hám onnan artıq salıqqa baylanıslı huqıqbuzarlıq islegen jaǵdayda, finanslıq sankciyalar hár bir huqıqbuzarlıq ushın bólek-bólek óndiriledi.