#turaqlılıq_reytingı
Isbilermenlik subyektleriniń turaqlılıq reytingi engizildi
Usı jıldıń 1-fevral sánesinen isbilermenlik subyektleriniń turaqlılıq reytingi engizildi. Oǵan kóre, nızamlı jumıs islep, joqarı reytingti iyelegen isbilermenler eń qolay salıq jeńilliklerinen paydalanıw múmkinshiligine iye boladı.
Qaraqalpaqstan Respublikası salıq basqarması qánigeleri qatnasıwında salıq nızamshılıǵındaǵı ózgerisler, 2024-jılǵı salıq stavkaları, salıq jeńillikleriniń mazmun-mánisin isbilermenlik subyektlerine jetkiziw maqsetinde orınlarda seminar hám ushırasıwlar ótkerilmekte. Atap aytqanda, sonday ilajlardan biri Berunıy rayonı hákimligi májlisler zalında bolıp ótti
Ótkerilgen seminarda, salıq nızamshılıǵındaǵı jańalıqlar, isbilermenlik subyektleriniń turaqlılıq reytingi haqqında túsinikler berildi.
Reyting boyınsha 23 kriterya belgilengen bolıp, isbilermenlik subyektleri iskerligi sol tiykarda bahalab barıladı. Yaǵnıy, isbilermen jumısı dawamında ózin ózi bahalab baradı. Mısalı, nızamǵa tiykar jumıs isleytuǵın isbilermen hadal jumıs islep joqarı reytingge erisken halda, salıq jeńilliklerinen paydalanıw múmkinshiligin qolǵa kiritedi. Turaqlılıq reytingınıń túp maqseti de sol: isbilermendi tuwrı hám nızamlı jolǵa baslaw.
Sonday-aq, salıq xızmetkerleri isbilermenlik subyektlerine barǵan halda nızamshılıqtaǵı jańalıqlar haqqında maǵlıwmatlar bermekte. Óz gezeginde, olar jumısında júzege kelgen ayırım mashqalalardi úyrenip, ornında unamlı sheshilmekte.