Isbilermenlerdiń turaqlılıq reytingi – biznestiń jańa basqıshı
📌Usı jıldıń 1-fevral sánesinen baslap nızamshılıq talaplarına ámel etken halda jumıs islep atırǵan isbilermenlik subyektlerin anıqlaw hám qosımsha xoshametlewdi názerde tutatuǵın Isbilermenlik subyektleriniń turaqlılıq reytingi engizildi. Usı reytingtiń mazmun-mánisi, ondaǵı ulıwmalıq xoshametlewshi hám kemeytiriwshi kriteryalar haqqında túsinik beriw maqsetinde Qaraqalpaqstan Respublikası salıq basqarması qánigeleri qatnasıwında Qaraqalpaqstan Respublikası statistika basqarmasınıń májlisler zalında isbilermenler menen ushırasıw bolıp ótti.
☑️Atap aytqanda, reyting boyınsha 23 kriterya belgilengen bolıp, isbilermenlik subyektleri iskerligi sol tiykarda bahalab barılatuǵınlıǵı hám nızamlı jumıs islep, joqarı reytingti iyelegen isbilermenler eń qolay salıq jeńilliklerinen paydalanıw múmkinshiligi hám joqarı kategoriyaǵa shıǵıw ushın kárxanalardıń múmkinshilikleri jetkilikli ekenligi haqqında sózge shıqqanlar tárepinen aytıp ótildi.
