Bilimlendiriwden isbilermenlikke qaray…
Ózbekstan Sawda-sanaat Palatasınıń Qaraqalpaqstan Respublikası basqarması, Qaraqalpaqstan Respublikası salıq basqarması hám Qaraqalpaqstan Respublikası Mektepke shekemgi hám Mektep bilimlendiriw ministrligi menen birgelikte jeke menshik oqıw orayların hám jeke balalar baqshasın ashıw arqalı isbilermenlikti baslawdı maqset etken puqaralar ushın biznes-seminar shólkemlestirildi.
Ilajda Ózbekstan Sawda-sanaat Palatasınıń Qaraqalpaqstan Respublikası basqarması baslıǵınıń birinshi orınbasarı A.Seytaxov Prezidentimiz tárepinen Qaraqalpaqstanda isbilermenlikti rawajlandırıw boyınsha qabıl etilgen bir qansha qarar hám pármanlar boyınsha túsinik berdi. Ásirese, jeke menshik oqıw orayların hám jeke balalar baqshasın ashıwda elimiz puqaraları belgilengen jeńilliklerden únemli paydalanıp atırǵanlıǵı bul baǵdarda isbilermenliktiń ele rawajlanıwına túrtki bolıp atırǵanlıǵın óz aldına atap ótti.
Ushırasıwda Qaraqalpaqstan Respublikası salıq basqarması qániygesi tárepinen Isbilermenlik subyektleriniń turaqlılıq reytingın qáliplestiriwdiń tiykarı bolǵan 4 kategoriyanıń 23 kriteryası, sonıń menen birge, joqarı kategoriyanıń abzallıqları haqqında túsinikler berildi.
2024-jıl 1-aprelden isbilermenlik subyektlerine subsidiya, jeńillik hám preferenciyalar olardıń reyting kórsetkishinen kelip shıqqan halda beriliwi aytıp ótildi. Seminarda tıńlawshılar nátiyjeli jumıs islewi ushın zárúr bolǵan bilim hám kónlikpelerge iye boldı.
Biznes-seminarda qatnasqan 50 den aslam isbilermenlikke qızıǵıwshı puqaralar tiyisli taraw wákillerinen jeke menshik mektepleri hám baqshaların ashıw jolları, kerekli hújjetler, jer – imarat ajıratıw, jeńilletilgen kredit alıw hám basqa da baǵdarlarda túsinikke iye boldı.