Министрлер Кабинетиниӊ усы жылдыӊ 11-декабрь сәнесиндеги «Жергиликли мәмлекетлик ҳәкимияты органлары тәрепинен салық төлеўшилердиӊ салық төлеў мүддетлерин өзгертиў тәртиби ҳаққындағы нызамды тастыйықлаў ҳаққында»ғы 776-санлы қарары қабыл етилди.
Қарар менен қабыл етилген Нызамда жергиликли мәмлекетлик ҳәкимият органлары тәрепинен юридикалық ҳәм физикалық шахсларға төмендеги салықларды төлеўди кешиктириў ямаса бөлип-бөлип төлеў имканиятын бериў тәртиби белгиленген:
* мал-мүлк салығы;
* жер салығы;
* суў ресурсларынан пайдаланғанлығы ушын салық;
* айланыстан алынатуғын салық.
Нызам СКниӊ 100 ҳәм 101-статьяларына муўапық қабыл етилген ҳәм онда төмендегилер нәзерде тутылған:
салық төлеў мүддетлерин өзгертиў имканиятын бериў тәртиби;
жергиликли мәмлекетлик ҳәкимияты органлары тәрепинен салықларды төлеў мүддетлерин өзгертиў ҳаққындағы қарар жойбарын таярлаў тәртиби;
жергиликли мәмлекетлик ҳәкимияты органлары тәрепинен салықларды төлеў мүддетлерин өзгертиў ҳаққындағы қарарды қабыл етиў тәртиби;
Салықларды төлеў мүддетлерин кешиктириў ямаса бөлип-бөлип төлеў имканияты мәпли шахсқа, егер де оныӊ финанслык жағдайы бул салықты төлеўге имкан бермесе, бирақ көрсетилген салық төлеўшиде бундай салықты кешиктириў ямаса бөлип-бөлип төлеў ушын берилген мүддет даўамында төлеў имканияты жүзеге келеди деп шамалаў ушын жетерли тийкарлар (СК 100-с.) бар болғанда бериледи.
Салықларды төлеў мүддетлерин кешиктириў ямаса бөлип-бөлип төлеў имканиятын бериў ҳаққындағы арза ҳәм басқа зәрүр ҳүжжетлер мәпли шахс тәрепинен тийисли ўәкилликли органға электрон формада салық төлеўшиниӊ жеке кабинети арқалы тапсырылады.
Салықларды төлеў мүддетлерин кешиктириў ямаса бөлип-бөлип төлеў имканиятын бериў ямаса оны бериўди бийкарлаў ҳаққындағы қарар мәпли шахстан арза алынған күннен баслап 30 күн даўамында қабыл етиледи.
Салықларды төлеў мүддетлерин кешиктириў ямаса бөлип-бөлип төлеў имканиятын бериў ҳаққындағы қарарды қабыл етиў бойынша ўәкилликли органлар – Қарақалпақстан Республикасы Жоқарғы Кеӊеси, ўәлаятлар ҳәм Ташкент қалалық халық депутатлары Кеӊеслери.