Qaraqalpaqstan Respublikası salıq basqarmasında qurılıs kárxanaları esapbet-fakturalarınıń jańa formasın toltırıw hám esabın júritiw boyınsha seminar-trening ótkerildi
Qurılıs tarawında jumıs alıp baratuǵın isbilermenlik subyektleri qatnasqan seminarda basqarma qánigeleri tárepinen PQ-165-sanlı qarardıń mazmun-mánisi haqqında tolıq túsinikler berildi.
Atap aytqanda, 2024-jıl 1-iyuldan obyektlerdiń smeta bahası “Qurılıs resursları milliy klassifikatori” elektron platforması maǵlıwmatları tiykarında qáliplestiriliwi atap ótildi.
Sonıń menen birge, “Shaffof qurilish” milliy málimleme sistemasına pudrat kárxanaları tárepinen orınlanǵan jumıs túrleri, kólemleri hám bahaları haqqındaǵı maǵlıwmatlar salıq uyımlarına tapsırılǵan elektron esapbet-fakturalar tiykarında qáliplestirilgen halda jiberiliwi aytıp ótildi.
Seminarda qatnasıwshılar ózlerin qızıqtırǵan sorawlarǵa qánigelerden juwaplar aldı.