Қатаң белгиленген дәрамат салығын тɵлеўши (айланысы 100 млн. сўмнан аспаған) жеке тәртиптеги исбилерменлер бир неше жумыс түри менен шуғылланғанында, ҳәр бир жумыс түри ушын ɵз алдына қатаң белгиленген муғдардағы салықты тɵлейди. Жумыс пенен еки ямаса оннан артық елатлы пунктларда шуғылланғанында болса, бул елатлы путктлар ушын орнатылған жоқары ставкада салық тɵленеди.
Дәлдалшылық хызметлерин кɵрсетиўши жеке тәртиптеги исбилерменлер ушын бир айлық салық ставкалары:
Ташкент қаласы ушын – 225 мың сўм;
Нɵкис қаласы ҳәм ўәлаят орайлары болған қалалар ушын – 150 мың сўм;
басқа қалалар ушын – 100 мың сўм;
басқа елатлы пунктлери ушын – 50 мың сўм.
Айланыстан алынатуғын салық тɵлеўши (айланысы 100 млн.сўмнан асқан, бирақ 1 млрд.сўмга жетпеген) жеке тәртиптеги исбилерменлер ушын салық салыў мақсетинде товарларды (хызметларди) реализация етиўден алынған дәрамат дегенде дәлдалшылық хызметлери ушын кɵрсетилген сап суммасы есапланады.
Дәлдалшылық хызметлерин кɵрсетиўши жеке тәртиптеги исбилерменлер ушын айланыстан алынатуғын салық ставкасы 25 процент муғдарында белгиленген.
Улыўма белгиленген тәртипте салық тɵлеўши (айланысы 1 млрд.сўмнан артық болған) жеке тәртиптеги исбилерменлер ушын егер әпиўайыластырылған тәртип таңланса, салық базасы жәми дәраматтың 25 проценти муғдарында белгиленеди ҳәм 15 процент муғдарда пайда салығы тɵленеди.