#salıq_sıyasatı_2025
#nızamshılıqtaǵı_jańalıqlar #mal_múlk_salıǵı
Fizikalıq shaxslardan alınatuǵın mal-múlk salıǵı stavkaları ózgerdi
Fizikalıq shaxslardıń úy-jay fondı obyektleri ushın mal-múlk salıǵı stavkaları 2024-jılǵa salıstırǵanda indeksaciya etildi.
Maǵlıwmat ushın❗️Aymaqlardıń hám iskerlik ámelge asırılatuǵın orınlardıń ózgesheliklerin esapqa alǵan halda Qaraqalpaqstan Respublikası Joqarǵı Keńesi, xalıq deputatları, wálayatlar hám Tashkent qalası Keńesleri ornatılǵan salıq stavkalarına 0,7 den 1,3 ke shekem bolǵan aralıqtaǵı kemeytiriwshi hám asırıwshı koefficiyentler belgilewge haqılı.
Qayta tikleniwshi energiya derekleri (QTED) ornatqanlıǵı ushın salıq jeńillikleri
Tómendegi fizikalıq shaxslar salıq summasın kemeytiriwi múmkin:
🏗uy -jay fondınıń kóshpes múlk obyektlerinde ulıwma quwatı 100 kVtqa shekem bolǵan qayta tikleniwshi energiya dereklerinen (QTED) paydalanıwshı shaxslar – ornatılǵan aydan baslap 3 jıl dawamında;
☀️quyash panelleri quwatınan 25% ten kem bolmaǵan quwatqa iye elektr energiyasın toplaw sisteması bar bolǵan quyash panelleri ornatılǵanda – usı paneller paydalanıwǵa tapsırılǵan aydan baslap – 10 jıl dawamında.
❗️Salıq summası 2 BEMnan aspaytuǵın summaǵa kemeytiriledi.
Jeńillik tek 1 márte 1 uy-jay fondı kóshpes mal-múlk obyektine salıstırǵanda energiya támiynatı shólkemi tárepinen berilgen málimlemege tiykarlanıp beriledi hám fizikalıq shaxs tárepinen ulıwma quwatı 1 kVtdan artıq QTED qurılmaları ornatılǵan jaǵdayda qollanıladı.
ESLETPE❗️
Fizikalıq shaxslar mal-múlk salıǵın 15-aprel hám 15-oktyabrga shekem teń úleslerde tólewi kerek.
Salıq uyımları hár jılı 1-marttan keshiktirmey salıq tólewshilerge tólem xabarnamasın tómendegi usıllarda tapsıradı :
✍️ imza qoydırılǵan túrde ;
💻 salıq tólewshiniń jeke kabinetine elektron formada;
📲 qol telefon nomerine SMS-xabarnama formasında ;
🌐 Solıq mobil qosımshası arqalı.