#nızamshılıqtaǵı_jańalıqları
Arnawlı ekonomikalıq zonalardaǵı yuridikalıq táreplerge mámleketlik dizimnen ótiw ápiwayılastırıladı
“Ózbekstan Respublikası Húkimetiniń ayırım qararlarına ózgerisler hám qosımshalar kirgiziw haqqında” Ministrler Kabinetiniń qararı qabıl etildi.
👉MKQ-30-sanlı, 22.01.2025-j.
Usı qarar menen:
🔹arnawlı ekonomikalıq zona aymaǵında investiciyalıq joybardı ámelge asırıw ushın yuridikalıq tárep elektron onlayn-aukcion sawdalarınıń nátiyjeleri boyınsha jeńimpaz dep tabılǵan jaǵdayda qayta mámleketlik dizimnen ótkeriletuǵını belgilendi;
🔹jańa dizimnen ótip atırǵan yuridikalıq shaxslar mámleketlik dizimnen ótken sáneden baslap 10 kúnlik múddet ishinde arzada kórsetilgen yamasa basqa kóshpes múlk ijarası yamasa biypul paydalanıw shártnamasın mámleketlik salıq xızmeti uyımlarında esapqa qoymaǵan jaǵdayda, usı yuridikalıq shaxs ózi kórsetken jaylasqan jerinde (pochta mánzilinde) bolmaǵanlıǵı haqqındaǵı tártip arnawlı ekonomikalıq zonalar qatnasıwshısı bolǵan yuridikalıq shaxslarǵa qollanılmaytuǵın boldı.
Esletip ótemiz ❗️Aldın yuridikalıq tárepler mámleketlik dizimnen ótken sáneden baslap 10 kún múddette arzada kórsetilgen yamasa basqa da kóshpes múlk ijarası yamasa biypul paydalanıw shártnamasın mámleketlik salıq xızmeti uyımlarında esapqa qoyılmaǵan jaǵdayda yuridikalıq tárep ózi kórsetken jaylasıw ornında (pochta mánzilinde) joq dep tán alınatuǵın edi .