#nızamshılıqtaǵı_jańalıqları
Jaslardıń isbilermenlik jumısın qollap-quwatlaw maqsetinde olarǵa jeńilletilgen kreditler ajıratıladı
Jaslardıń isbilermenlik ideyaları hám baslamaların qollap-quwatlaw, jas isbilermenlik subyektleriniń ekonomika tarmaqları hám tarawlarındaǵı, sonıń ishinde, startap hám innovaciyalıq joybarların ámelge asırıwǵa járdemlesiw, kásip-óner, sanlı texnologiyalar hám shet tillerin tereń ielewi ushın qosımsha sharayatlar jaratıw, sonday-aq, jaslardıń bántligin támiyinlew maqsetinde Prezident qararı qabıl etildi.
👉PQ-62-san, 14.02.2025-j
Hújjet boyınsha:
2025 – 2027-jıllarda “Jaslar biznesi” baǵdarlaması sheńberinde:
▫️350 mıń jastı qamtıp alıw, sonıń ishinde, 18 jasqa tolǵan hám 30 jastan aspaǵan shaxslar ushın keminde 100 mıń qosımsha jumıs orınların jaratıw, jaslardıń startap hám investiciyalıq joybarlarına jeńilletilgen qarjılardı ajıratıw, sanlı texnologiyalar engizilgen innovaciyalıq joybarlar hám sociallıq isbilermenlik baǵdarındaǵı qollap-quwatlaw ilajların engiziw názerde tutılǵan.
Sonday-aq, “Bizneske birinshi qádem” joybarına bola:
▫️18 jasqa tolǵan hám 30 jastan aspaǵan, sociallıq salıqtı tólegen ózin-ózi bánt etken fizikalıq táreplerge jeńilletilgen mikroqarız sıpatında qamsızlandırıw polisi yamasa úshinshi shaxs kepilligi támiynatı astında 7 jıl múddetke shekem, sonıń ishinde, tiykarǵı qarız boyınsha 2 jılǵa shekem jeńilletilgen dáwir hám procent tólemleri boyınsha 3 ayǵa shekem jeńilletilgen dáwir menen 100 million sumǵa shekem qarjılar onlayn tárizde ajıratıladı.
🖇Bul kredit maqsetleri:
▫️ sharwashılıq, qusshılıq hám awıl xojalıǵınıń basqa baǵdarlarındaǵı jumıstı;
▫️ óndiris hám xızmet kórsetiw jumısın shólkemlestiriw hám ámelge asırıw;
▫️ónermentshilik úskenelerin satıp alıw hám aylanba qarjılardı toltırıwǵa;
▫️ ilim, kórkem óner hám sport baǵdarlarında óz qábiletin kórsetken qábiletli jaslardı hám de frilanserlik xızmetlerin kórsetiwshi jaslardı qollap-quwatlaw ushın baǵdarlanadı.
❗️Maǵlıwmat ushın: 2024-jılda ózin-ózi bánt etken shaxslar 4,4 mln dan astı.
👉Ózin-ózi bánt etken shaxs sıpatında dizimnen ótiw ushın videoqollanbadan paydalanıń