#ushırasıw
Kámbaǵallıqtan abadanlıqqa qaray
📍 Ózbekstan Respublikası Salıq komiteti Baslıǵınıń Birinshi orınbasarı Mubin Mirzayev Qanlıkól rayonında bolıp, kámbaǵallıqtı qısqartıw hám turǵınlardıń turmıs abadanlıǵın arttırıw maqsetinde aymaqtaǵı máhálle jetiligi hám rayon belsendileri menen ushırastı.
🔼Rayondaǵı máhállelerdi sociallıq-ekonomikalıq rawajlandırıw, bántlikke kómeklesiw, jumıssızlıq hám kámbaǵallıqtı qısqartıw boyınsha islep shıǵılǵan Is rejeniń orınlanıwı úyrenildi.
⚡️Atap aytqanda, rayondaǵı “Sarı altın”, “Jańaqala”, “Jayxun”, “Altınkól” hám “Arzımbetqum” puqaralar jıyınlarındaǵı aymaq turǵınları menen sáwbetlesip, turǵınlardı qıynap atırǵan mashqalaların úyrenip, isleniwi tiyis wazıypalar belgilep alındı.
Máhálle jetiligi hám aymaq belsendileri menen ushırasıwlardan soń “KANTEX INVEST” JShJ bolıp, jumıs processleri menen tanısıp, mashqalaları úyrenildi.
📊 Sonday-aq, ushırasıwda isbilermenlerdiń mashqalaların sheshiw, máhálleniń ekonomikalıq rawajlanıwına túrtki beretuǵın rezerv hám imkaniyatlardı iske salıp, ekonomikalıq drayverlerdi iske salıwda kómeklesiw hám qıytaq jerlerden nátiyjeli paydalanıw boyınsha da túsinikler berdi.
✔️Ushırasıwda rayon hákimi B.Sultanov máhálle infrastrukturasın rawajlandırıw, máhálleni elektr energiyası menen úzliksiz támiyinlew, onıń rayon orayı menen transport jaǵınan baylanıslılıǵın jaqsılaw, ishki jollardı ońlaw hám qıytaq jerlerdi suwǵarıw suwı menen támiyinlew imkaniyatın jaqsılaw, aymaqlardı jedel kompleksli rawajlandırıw boyınsha birinshi gezektegi ilajlar haqqında tanıstırdı.
