#payda_salıǵı
Payda salıǵı esabatında dáramatlar hám qárejetler durıs kórsetiliwi kerek.
❗️Húrmetli salıq tólewshiler, usı jıl 3-mart – 2024-jıl juwmaǵı boyınsha payda salıǵı esabatın usınıwdıń aqırǵı kúni.
Barlıq salıq tólewshiler jıllıq payda salıǵı esabatın salıq dáwiri juwmaqları boyınsha – salıq dáwiri ótkennen keyingi jıldıń 1-martınan keshiktirmey usınıwı belgilengen.
✔️Payda salıǵı esabatın qáliplestiriwde, atap aytqanda, esabatta dáramatlar hám qárejetlerdi durıs sáwlelendiriwde tómendegi normalarǵa itibar beriwleri lazım:
▫️payda salıǵı bazasın anıqlawda usı salıq tólewshiniń jámi dáramatınan dáramat alıw menen baylanıslı barlıq qárejetler shegirip taslanadı (shegirip taslanbaytuǵın qárejetler buǵan kirmeydi);
▫️salıq tólewshi tárepinen Ózbekstan Respublikasında da, onıń aymaǵınan tısqarıda da esabat (salıq) dáwiri dawamında ámelge asırılǵan (kórilgen), tiykarlanǵan hám hújjetler menen tastıyıqlanǵan qárejetleri qárejetler dep tán alınadı.
👉Salıq kodeksi 305-statya
Tómendegi jaǵdaylarda:
▫️paydalanılmaǵan materiallıq qárejetlerdi paydalanılǵan dep, óndiris esabatına qosıw;
▫️tovarlardı satıwdan (xızmet kórsetiwden) alınǵan túsimdi esabat dáwirinen keyingi dáwirge ótkeriw (satıw kólemin hám dáramattı (paydanı) qastan azaytıw);
▫️materiallıq, janılǵı-energetika resursları qárejetlerin (limitlerdi) hám amortizaciya (eskirisiw) normasın jasalma túrde arttırıw yamasa normativlerdi nadurıs qollanıw salıq bazasın jasırıw (azaytıp kórsetiw) dep tán alınadı hám jasırılǵan (azaytıp kórsetilgen) salıq bazası summasınıń 20 procenti muǵdarında járiyma salıwǵa sebep boladı (https://t.me/soliqnews/15116).
👉Salıq kodeksi 223-statyası
☝️Joqarıdaǵılardan kelip shıǵıp, Salıq komiteti salıq tólewshilerden esabatlarda tiykarsız qárejetlerdi kórsetpew, payda salıǵı bazasın durıs qáliplestiriw arqalı salıq esabatların óz múddetinde usınıwların soraydı.
*2025-jıl 1-mart dem alıs (islenbeytuǵın) kúnine tuwrı keliwi sebepli, esabattı tapsırıwdıń sońǵı múddeti 3-martqa kóshiriledi.