#ushırasıw #seminar
Kishi hám orta biznes wákilleri menen ashıq pikirlesiw bolıp ótti
Qaraqalpaqstan Respublikası salıq basqarması tárepinen Sawda sanaat palatasında Nókis qalasında jumıs alıp barıp atırǵan kishi hám orta biznes wákilleri menen ushırasıw ótkerildi.
Seminarda kishi hám orta biznes wákilleriniń mámlekettiń ekonomikalıq rawajlanıwındaǵı áhmietli ornı, isbilermenlikti qollap-quwatlaw baǵdarında ámelge asırılıp atırǵan izbe-iz reformalar, salıq nızamshılıǵına kirgizilgen ózgerisler hám isbilermenlerdiń turaqlılıq reytingi haqqında atap ótti.
Sonday-aq, mámleketimiz basshısı tárepinen usı jıldıń 19-mart kúni kishi hám orta biznes wákilleri menen tarawdıń ekonomikadaǵı ornın arttırıw hám rawajlanıwın jańa basqıshqa alıp shıǵıw máselelerine baǵıshlanǵan ushırasıwında belgilengen maqset hám wazıypalar haqqında da maǵlıwmatlar berildi.
Kishi hám orta biznes elimizde jumıs ornı, investiciya, innovaciya, báseki, qosımsha qun hám eksporttı kóbeytiwge eń úlken túrtki berip atırǵan baǵdar esaplanatuǵının atap ótiw kerek. Sonlıqtan bul baǵdarda jumıs alıp barıp atırǵan isbilermenlerdiń qatarın jáne de keńeytiw, jumısların rawajlandırıwda biznes wákilleriniń bar mashqala hám usınısların úyreniw jáne olarǵa sheshim tabıw úlken áhmietke iye.
Ashıqtan-ashıq sóylesiw tárizinde ótkerilgen ushırasıwda kishi hám orta biznes isbilermenleriniń salıq esabatların tapsırıw, jeńilliklerden paydalanıw boyınsha usınısları tıńlanıp, unamlı sheshiw ilajları kórildi.
