#ushırasıw #seminar
📌Kishi hám orta biznes wákilleri menen ashıq pikirlesiw bolıp ótti
Qaraqalpaqstan Respublikası salıq basqarması tárepinen Shımbay rayonında jumıs alıp barıp atırǵan kishi hám orta biznes wákilleri menen ushırasıw ótkerildi.
Onda qániygeler dáslep isbilermenlerdıń turaqlılıq reytingi hám tarawǵa baylanıslı sońǵı ózgerisler, isbilermenlikti qollap-quwatlaw maqsetinde berilip atırǵan salıq jeńillikleri haqqında maǵlıwmat berip ótti.
Ashıq pikirlesiwde isbilermenlerdiń jumısına tosqınlıq etip atırǵan mashqalalarǵa sheshim tabıw , jáne olardıń biznesin ele de keńeytiwge ayrıqsha itibar qaratıldı.
Atap aytqanda, búgingi kúnde Shımbay rayonında 2 200 isbilermenlik subyektı jumıs alıp barmaqta. Olardıń, 1 123 mikrofirma, 48 kishi kárxana, 1 029 jeke tártiptegi isbilermenler bolıp esaplanadı. Usınday isbilermenler sanınıń jıldan jılǵa kóbeyiwi hám olardıń jumısına tosqınlıq etip atırǵan mashqalalarǵa sheshim tabıw, sonday-aq, biznesin jáne de keńeytiwge ayrıqsha itibar qaratılmaqta.
Ilaj sońında salıq hákimshiligine ámel etip aldınǵı nátiyjelerge erisip kiyatırǵan bir topar salıq tólewshilerge minnetdarshılıq bildirilip, estelik sawǵaları tapsırıldı.
