#isbilermenler_ushırasıw
Qaraózek rayonında isbilermenler menen ushırasıw bolıp ótti
Qaraqalpaqstan salıq basqarması baslıǵı X.Bekchanovtıń kishi hám orta biznes wákilleri menen ushırasıwları dawam etpekte. Usı háptedegi mánzil Qaraózek rayonı boldı. Onda salıq siyasatındaǵı ózgerisler, salıq stavkaları hám jeńillikleri haqqında túsinikler berildi.
Sóylesiw procesinde isbilermenler tárepinen kóterilgen tiykarǵı máseleler esabat tapsırıw, Onlayn qadaǵalaw kassa texnikasınan paydalanıw, QQS esabatları, jer salıǵı sıyaqlılardan ibarat boldı.
Hár bir másele boyınsha qánigeler tárepinen tiyisli túsinikler berildi hám sheshim boyınsha anıq ilajlar belgilendi.
Sonday-aq, isbilermenlerge mámleket tárepinen berilip atırǵan salıq jeńillikleri hám jumıstı keńeytip jańa jumıs orınların jaratıw haqqında keńnen maǵlıwmat berildi.
