#ushırasıw
⚡️Isbilermenler menen sàwbetlesiwler dawam etpekte
♻️ Ellikqala rayonında Qaraqalpaqstan Respublikası Ministrler Keńesi baslıǵınıń – Finans, ekonomika hám kámbaǵallıqtı qısqartıw máseleleri boyınsha birinshi orınbasarı – Ekonomikalıq rawajlanıw hám kámbaǵallıqtı qısqartıw ministri N.Erlepesov hám Qaraqalpaqstan Respublikası salıq basqarması baslıǵı X.Bekchanov basshılıǵında isbilermenler menen ushırasıw ótkerildi.
Ushırasıwda 100 ge shamalas isbilermenler hám rayonlıq tiyisli shólkemlerdiń juwapkerleri qatnastı.
📊 Júzbe-júz sóylesiwde dáslep isbilermenlerge salıq nızamshılıǵındaǵı jańalıqlar, atap aytqanda, QQS hákimshiligi, MXIK, sonday-aq Qaraqalpaqstan Respublikası sanaat kárxanalarında janılǵı-energiya resurslarınan ùnemli paydalanıw maqsetinde elektr energiyası ushın tarif 15 procent toʻmenletilgen mugʻdarda jeńillikler berilgenligi haqqında tùsinikler berildi. Soń isbilermenlerdiń múrájatları tıńlandı.
✍️ Sóylesiwde barlıq mashqala hám usınıslar tolıq úyrenilip, mashqalalardıń kópshiligi usı jerdiń ózinde sheshildi. Sonıń menen birge qosımsha úyreniw hám waqıt talap etetuǵın ayırım máselelerdiń sheshimi ushın múddet belgilendi.
📈 Bunday ushırasıwlar isbilermenlerdiń mashqalaların nátiyjeli sheshiw, orınlarda óndiris kárxanalarınıń jumısınıń turaqlılıǵın támiyinlew, olardıń jumısın keńeytiw hám sol arqalı qosımsha jumıs orınların jaratıwǵa qaratılǵan.
