#ushırasıw
📍Qaraqalpaqstan Respublikаsı salıq basqarması baslıǵı X.Bekchanov hám Shomanay rayonı hákimi A.Ametov rayondaǵı kishi hám orta isbilermenlik subyektleri wákilleri menen ashıqtan-ashıq sáwbetlesiw ótkerdi.
Qaraqalpaqstan Respublikаsı salıq basqarması baslıǵı Xalmurza Bekchanovtıń shomanaylı isbilermenler menen ushırasıwında da salıq tarawındaǵı sońǵı ózgerisler, atap aytqanda, Prezidentimizdiń usı jıl 19-marttaǵı “Kishi hám orta biznestiń ekonomikadaǵı ornın arttırıw ilajları haqqında”ǵı pármanına muwapıq isbilermenlik subyektlerine berilip atırǵan imkaniyatlar haqqında hár tárepleme maǵlıwmat berildi.
⌛Isbilermenler qatarın jáne de keńeytiw, jaratılıp atırǵan imkaniyatlardan nátiyjeli paydalanıwın támiyinlew maqsetinde shólkemlestirilip atırǵan ushırasıwlarda salıq nızamshılıǵına baylanıslı ózgerisler hám jańalıqlar haqqında sóz etilip, jeke menshik sektor wákilleriniń bar mashqala hám usınısları úyrenilmekte.
✍️Isbilermenlerdiń salıq jeńilliklerin qollanıw, esabat tapsırıw, bank hám hákimshilik járiymalar menen baylanıslı mashqala hám usınısları tıńlanıp, unamlı sheshiw ilajları kórildi.
Ilaj sońında mámleketimiz ekonomikası hám jeke menshik sektordıń rawajlanıwına múnásip úles qosıp atırǵan bir topar úlgili salıq tólewshilerge 💳minnetdarshılıq bildirilip, estelik sawǵaları tapsırıldı.
