#siyasiy_aǵartıwshılıq_saatı
Qaraqalpaqstan Respublikası salıq basqarmasında Ǵárezsizligimizdiń 34-jıllıǵı qarsańında “Watan ushın, millet ushın, xalıq ushın” súreni tiykarında siyasiy-aǵartıwshılıq saatı bolıp ótti.
Ilajda Qaraqalpaqstanǵa miyneti sińgen mádeniyat xızmetkeri, «Doslıq» ordeniniń iyesi, Jazıwshılar awqamınıń aǵzası, shayır Gúlistan Dáwletova hám belgili jazıwshı Oralxan Saparovalar miymanda bolıp, kitaptıń insan ómirindegi áhmiyeti, kitap oqıwdı hár bir shańaraqta dástúrge aylandırıp, kitap oqıwǵa bolǵan qızıǵıwshılıǵın arttırıw zárúrlikleri haqqında atap ótti.
Atap aytqanda, Gúlistan Dáwletova «Ruwxıylıq-ádebiyat ólshemi», «Insan tárbiyası balalıqtan baslanadı» degen kitapshaları hám «Seniń dártiń menen jasayman, hayal», «Qız taxtım» qosıqlar toplamları dóretiliw táriyxı hám dóretiwshiligi haqqında maǵlıwmatlar berdi. Sonıń menen birge, O.Saparova da óziniń “Táǵdir soqpaqları” kitabınan úzindiler oqıp berdi.
