#Amir_Temur
✅Qaraqalpaqstan Respublikası salıq basqarmasında ullı sárkarda hám mámleketlik ǵayratker Ámir Temur tuwılǵanınıń 690 jıllıǵına baǵıshlanǵan ruwxıy-aǵartıwshılıq ilaj shólkemlestirildi.
Ilajda Ájiniyaz atındaǵı Nókis mámleketlik pedagogikalıq institutı Tarıyx kafedrası docenti, tarıyx ilimleri doktorı B.Turǵanov Ámir Temurdıń bay tariyxıy miyrası, mámleketlik basqarıwdaǵı aldınǵı principleri, ádillik hám nızam ústinligin támiyinlew baǵdarındaǵı jumısı haqqında tolıq maǵlıwmat berdi.
Seminar dawamında Ámir Temur tárepinen jaratılǵan basqarıw sisteması, salıq sıyasatı hám ekonomikalıq tártip-qaǵıyda máseleleri búgingi kún ushın da áhmiyetli ekeni ayrıqsha atap ótildi. Sonday-aq, onıń “Kúsh – ádillikte” degen principi mámleketlik basqarıwda, sonıń ishinde, salıq sistemasında da úlken áhmiyetke iye ekeni atap ótildi.
Seminar juwmaǵında qatnasıwshılar tárepinen bildirilgen sorawlarǵa qánige tárepinen tolıq juwaplar berildi hám bildirilgen pikir-usınıslar tiykarında usınday ruwxıy-aǵartıwshılıq ilajlardı dawam ettiriw rejelestirildi.
