Satıp alınǵan tovar (xızmet)lerden 1% keshbekke ıye bolıw múmkinshiligi tutınıwshılar arasında barǵan sayın keń tarqalıp barmaqta.
Atap aytqanda, usı sistema ámeliyatqa engizgennen baslap, Qaraqalpaqstan Respublikasında jıl basınan usı kúnge shekem:
keshbek alıw ushın 127 553 QR-kodlı shek dizimge alındı;
jámi keshbek summası 152 731.6 mlrd sumnan aslamdi quraydı;
“Salıq” mobil qosımshasında 5 818 mińnan aslam jańa paydalanıwshı dizimnen ótti
Bunı ıntızamlı salıq tólewshilerdıń qatarı keńeyip atirǵanı hám onlayn qadaǵalaw-kassa mashinalarınan paydalanıwda jámiyetshilik qadaǵalawınıń kúsheygeniniń menen aniqlaw múmkin.
Sonıń menen birge, sheklerdegi maǵlıwmatlardı nadurıs kórsetiw, QR-kodlı sheklerdi bermew, basqa shaxslardıń shekleriniń esabına keshbekke ıye bolıw sıyaqlı tutiniwshılardıń huqıqlarınan paydalanıw, keshbek ámeliyatına unamsız tásir etip atırǵan jaǵdaylardıń júzege keliwine sebep bolmaqta. Atap aytqanda, sawda xızmetkerleri tárepinen onlayn-QKM shekleriniń nusqasın (dublikat) qayta shıǵarıp tutınıwshıdan aldın dizimnen ótkeriw jaǵdayları kóp ushıraspaqta.
Sol sebepli, tutiniwshılardıń huqıqların hár tárepleme qorǵaw hám huqıqbuzarlıqlardı aldın alıw maqsetinde tómendegi talaplar ornatılıp atır:
– QR-kodlı shek birinshi ret SOLIQ mobil qosımshasında skanerlengende tutınıwshı tárepinen kiritilgen telefon nomeri menen maǵlıwmatlar bazasında avtomatikalıq túrde dizimge alınadı. Shek qayta skanerlengende ekranda shek qaysı nomer arqalı dizimge alınǵanın kórsetiwshi esletpe payda boladı;
– hár bir puqara bir kúnde bir sawda orninan 5 danaǵa shekem chekti dizimge alıw tártibi engizilip atır. 6-shek dizimnen ótkerilgende apparat ekranında kúnlik limit tawsılǵanlıǵı haqqında esletpe payda boladı.
Mámleketlik salıq komiteti keshbek ámeliyatınıń durıs qollanılıwın turaqlı qadaǵalap barıw menen birge, tutınıwshılardıń usınıs hám pikirlerin inabatqa alıp sistemanı rawajlandırıp baradı.