Puqaralardıń bántligin támiyinlew arqalı shańaraqlarǵa dárámat kiriwine múmkinshilik jaratıw, aymaqlardı abadanlastırıw islerin ámelge asırıwdıń nátiyjesinde turǵınlardıń jasaw shárayatların jaqsılaw baǵdarındaǵı jumıslar sektor basshılarınıń da dıqqat itibarındaǵı máselelerden esaplanadı.
Nókis qalasındaǵı mámleketlik salıq inspekciyasına biriktirilgen 4-sektor aymaǵına 16 MPJ aymaǵı biriktirilgen.
Aymaqtaǵı turǵınlardıń párawanlıǵın támiynlew, bántligine kómeklesiw, kem támiyinlengen, sociallıq jardemge mútáj shańaraqlarǵa járdem beriw baǵdarında nátiyjeli jumıslar dawam ettirilmekte.
Atap aytqanda, “Náwpir” mákan puqaralar jıyını aymaǵında sektor baslıǵınıń belsendiligi nátiyjesinde kósheler tekislenip, tas hám qum aralaspasın tósew jumısları dawam etpekte. Mákan puqaralar jıyınında puqaralardıń bántligin támiynlew arqalı shańaraqlarǵa turaqlı dáramat kiriwine negiz jaratıw baǵdarında da nátiyjeli jumıslar alıp barılmaqta.
Sonday-aq, “Náwpir” mákan puqaralar jıyını turǵınlarına inkubator beriw hám “Aqjaǵıs” mákan puqaralar aymaǵı turǵını Bibisara Qunnazarovaǵa sektor kepilligi menen jeńilletilgen kredit alıwda ámeliy járdem berildi. Sonday-aq, “Bayterek” mákan puqaralar jıyınında “Hayallar dápteri” diziminen orın alǵan Almaxan Xojaniyazovaǵa jeńilletilgen kreditke járdem beriliwiniń nátiyjesinde ol gózzallıq salonın ashıwǵa eristi. Bunday iygilikli jumıslar sektor qanigeleri tárepienen dawam etpekte.
Qaraqalpaqstan Respublikası mámleketlik salıq basqarması
Málimleme xızmeti