Kóshpes múlk shártnámaların esapqa qoyıw hákimshilik reglamenti
Kóshpes múlk ijára yamasa biypul paydalanıw shártnámaların mámleketlik salıq xızmeti uyımlarında esapqa qoyıw boyınsha mámleketlik xızmet kórsetiw hákimshilik reglamenti tastıyıqlandı.
MK-15-sanlı qararı 02.02.2022-jıl
Reglamentte yuridikalıq hám fizikalıq shaxslardıń kóshpes-múlkleri boyınsha :
▫️ ijara
▫️ekilemshi ijára
▫️ biypul paydalanıw shártnámaların
mámleketlik salıq xızmeti uyımlarında esapqa qoyıw tártibi názerde tutılǵan.
Shártnamalardı “E-ijara” xızmeti arqalı salıq uyımlarında elektron formada esapqa qoyıw táreplerdiń jeke ózleri tárepinen ESI arqalı ámelge asırıladı.
Bunnan tısqarı, hújjette yuridikalıq shaxslardı nızamshılıq hújjetlerine muwapıq mámleketlik dizimnen ótkeriwde yuridikalıq shaxstıń jaylasqan jeri sıpatında jasaw ushın mólsherlenbegen orın kórsetiliwi belgilengen.
Kóp kvartiralı úylerde yuridikalıq shaxslar ruxsat berilgen jumıs túrleri boyınsha tek jasaw ushın mólsherlenbegen orınlarda jaylastırıladı.
Nızamshılıq hújjetlerinde názerde tutılǵan jaǵdaylarda jasaw ushın mólsherlengen orınlarda yuridikalıq shaxslardı ruxsat berilgen jumıs túrleri boyınsha jaylastırıwǵa ruxsat etiledi.
Kóshpes múlk ijara shártnamaları elektron tárizde esapqa qoyılǵanda belgilengen formaǵa muwapıq QR-kodlı gúwalıq qáliplesedi.