Assalawma áleykum,
Húrmetli salıq tólewshiler!
Xabarıńız bar, usi jıl 16-mart kúni Prezidentimiz Mámleketlik salıq komitetine barıp, salıq shólkemleri xızmetkerleri menen ushırasıw waqtında isbilermenler menen ushırasıp, olardıń máselelerin úyrenip, salıq nızamshılıg’ındag’ı ózgerisler boyınsha túsindiriwler alıp barıp, zárúr tapsırmalar bergen edi.
Búgingi kúnde de “Salıqshı – isbilermenge járdemshi” principi tiykarında Nókis rayonı salıq xızmeti shólkemleri tárepinen isbilermenler aldına barǵan halda olardıń máselelerin úyrenip, kóshpeli salıq máslahátları kórsetilip atır.
Mısal retinde, Nókis rayonında I sherek dawamında 453 kárxanalardıń máseleleri tolıq úyrenildi. Nátiyjede, salıq xızmeti shólkemleri xızmetkerleri járdemi menen 362 máseleler unamlı sheshildi. Búgingi kúnde basqa shólkemler menen baylanıslı máseleler qatań qadaǵalawǵa alınıp, sheriklikte sheshiw ilajları ko’rilmekte.
Sonıń menen birge, úyreniwler dawamında salıq túrleri boyınsha 61 subyektlerdin’ 843 million som ámeldegi artıqsha tólegen summası qaytarıp berildi. Atap ótiw orınlı, búgingi kúnde salıq tólewshilerge qolaylıqlar jaratıw maqsetinde elektron xızmetler kórsetiw kóleminiń jáne de keńeytiw zárúrli faktor bolıp atır. Mısalı, búgingi kúnde Nókis rayonında “E-ijara” avtomatlastırılg’an programmalıq da’sturi arqalı isbilermenlerge túsindiriw ilajları alıp barılmaqta.
Haqıyqattan da, Prezidentimiz aytıp ótkenindey, salıq tólewshilerge haqıyqıy mániste járdemshi, úyretiwshi bolıw salıq shólkemleriniń bas wazıypasına aylanıp atır. Usı mánisten alıp qaraǵanda, isbilermenler ushın jáne de jeńillik jaratıw ushın “Avtokameral” avtomatlastırılǵan informaciya sistemasınıń jumısqa túsiriliwi tarawdaǵı jańalıq boldı.
Bul sistema arqalı, salıq shólkemleri salıq tólewshiler iskerliginde tekseriwden aldınǵı analizlerdi, itibar qaratıń tekseriwlerdi emes, analizlerdi ótkeriwi múmkin. Yaǵnıy, salıq tólewshi iskerligi dawamında qanday da aljasıqlarǵa jol qoyıp atırǵan bolsa yamasa esabatlarında qanday da kemshilikler anıqlang’an jag’dayda, avtomatlasqan sistema tezlik penen salıq tólewshiniń jeke kabinetine aljasıqlardı ońlaw haqqında xabarnama jiberedi. Sanalı programma ózi kemshiliklerdi anıqlap, waqtında isbilermenge járdemshi bolıp, xabar berip baradı. Eń áhmiyetlisi, bunda insan faktorı aralaspaydı.
Itibarlı táreplerden taǵı biri, salıq reformalarınıń jedellik menen ámelge asırılıwı hám de salıq mexanizmleriniń jáne de ápiwaylasıwı nátiyjesinde, jasırın ekonomika keskin qısqarıp, salıq túsimleri sezilerli dárejede artpaqta. Mısalı, Nókis rayonında 2022 jıl I sheregi ushın belgilengen 7 milliard 223 mln somlıq byudjet prognoz jobası 7 milliard 485 mln somg’a (103. 6%) ádewir asqan bolıp, 262 mln som qarjı mámleket byudjetine túsiwine erisildi. Nátiyjede, tusimler muǵdarı ótken jıldıń usı dáwirine (1414. 9 mln. som) salıstırǵanda ósiwi gúzetildi.
Isbilermenlik sub’ektlerine salıq nızamshılıǵına kiritilgen ózgeris hám qosımshalar, jańalıqlar, avtomatlastırılgan informaciya sistemaları haqqında úzliksiz túrde, tolıq maǵlıwmatlar berip barılmaqta.
Usı jıldıń I sheregi dawamında “Soliq hamkor” programması arqalı Nókis rayonında iskerlik kórsetip kiyatırǵan isbilermenlik subyektleri menen baylanıslı salıq huqıqbuzarlıqları haqqında jámi 25 múrájat kelip túsken bolıp, sonnan 2 múrájat túrli sebeplerge baylanıslı biykar etilgen. Olardıń 23 múrájatı boyınsha kóshpeli salıq tekseriwleri ótkerilip, sawda qaǵıydaları buzılg’anlıg’ı tastıyıqlandı. Búgingi kunge shekem múrájatları óz tastıyıǵın tapqan 18 puqaranıń bank plastik kartasına 9 million somg’a jaqın pul ótkerip berildi.
Húrmetli isbilermenler!
Nókis rayonı mámleket salıq xızmeti shólkemleri xızmetkerleri salıq tarawına tiyisli barlıq sorawların’izg’a juwap beriw, bilmegenlerin’izdi úyretiw hám “Salıqshı – isbilermenge kómekshi” principi tiykarında sizge jaqınnan járdem beriwge barqulla tayın.