«Mámleketlik salıq xızmeti organların korrupciyasız sistemaǵa aylandırıw» aylıǵı sheńberinde respublikamızdıń barlıq qala hám rayonlarında basqarmanıń Jeke qáwipsizligi bólimi tárepinen taraw xızmetkerleri, huqıqtı qorǵaw uyımları wákilleri hám isbilermenlik subyektleri qatnasıwında túsindiriw hám úgit-násiyat jumısları dawam ettirilmekte.
Shomanay rayonında ótkerilgen seminarda ilaj qatnasıwshılarına mámleketlik salıq xızmeti uyımlarında isbilermenlik subyektlerine «Salıqshı-isbilermenge kómekshi» principi tiykarında kórsetilip atırǵan xızmetlerdiń nátiyjeliligi hám bul baǵdarda korrupciyalıq jaǵdaylardıń aldın alıw maqsetinde alıp barılıp atırǵan jumıslar haqqında maǵlıwmatlar berildi.
Korrupciyanıń aldın alıwǵa qaratılǵan maǵlıwmat hám esletpeler sáwlelengen úgit-násiyat materialları rayondaǵı sawda orınları, bazarlar hám dúkánlarǵa jaylastırıldı.
Qaraqalpaqstan Respublikası mámleketlik salıq basqarması Jeke qáwipsizligi bólimi.