Húrmetli salıq tólewshiler !
Usı jıldıń 16-mart kúni Húrmetli Prezidentimizdiń Mámleketlik salıq komitetine saparı dawamında salıq sistemasın cıfırlastırıw, salıq tólewshilerge xızmet kórsetiw sapasın jaqsılaw “Salıqshı–isbilermenge kómekshi” principı tiykarında isbilermenlik subyektleri menen tuwrıdan-tuwrı baylanısta bolıw ha’m olardıń jumıs babındaǵı mashqalaların úyreniw boyınsha bir qatar tapsırmalar berilgen edi.
Usı tapsırmalardıń orınlanıwınan kelip shıǵıp meniń basshılıǵımda No’kis qalasi mámleketlik salıq inspekciyası tárepinen búgingi kúnde “Salıqshı-isbilermenge kómekshi” principı tiykarında mámleketlik salıq xızmetkerleri tárepinen ámeliy jumıslar jolǵa qoyılǵan. Mámleketlik salıq komitetiniń 2021-jıl 11-yanvar kúngi “Salıqshı-isbilermenge kómekshi” principı tiykarında isbilermenlerdi qollap-quwatlaw boyınsha ámelge asırılıwı lazım bolǵan “Háreketler rejesi”n tastıyıqlaw haqqındaǵı 10-sanlı buyrıǵı qabıl etildi. Usı buyrıqqa tiykarlanıp kómeklesiw zárúr bolǵan isbilermenlik subyektleriniń dizimi islep shıǵılıp, bul toparǵa:
– Tazadan ashılǵan subyektler;
– Esabat usınbaǵanlar;
– “Nol” esabat usınǵanlar;
– Tólem ámelge asırmaǵanlar;
– Is haqı esaplamaǵanlar;
– Bank aylanısın ámelge asırmaǵanlar;
– Salıq uyımlarına bir neshe márte múrájat etken salıq
tólewshiler kiritildi.
Usı kómekke zárúr bolǵan toparǵa kiritilgan isbilermenlik subyektleriniń mashqalaların úyreniw hám olarǵa járdem beriw barısında salıq uyımları tárepinen tiyisli is-ilajlar alıp barılmaqta.
Atap aytqanda, No’kis qalası mámleketlik salıq inspekciyası tárepinen 2022-jıldıń 1-iyun jaǵdayına ja’mi 958 isbilermenlik subyektleri aralıqtan hám ornına barǵan halda úyrenilip shıg’ılıp, salıq tólewshilerge kórsetiletuǵın arnawlı xızmetler dizimi menen tanıstırılıp, isbilermenlik subyektlerinin’ mashqalaları úyrenilip shıǵıldı.
Úyreniw nátiyjesinde 804 salıq uyımlarına baylanıslı bolǵan máseleler boyınsha mashqalaları bar ekenligi anıqlanıp, tiyisli ámeliy járdemler kórsetildi.
Sonnan 208 jaǵdayda tazadan ashılg’an isbilermenlerge dáslepki buxgalteriya júritiw boyınsha túsinik másláhátler berilip kelinbekte. 33 jaǵdayda “E-ijara” dástúri boyinsha, 66 jaǵdayda “E-imtiyoz” dástúri boyınsha túsinik másláhátlar berildi.
Sonday-aq 593 jaǵdayda 319,8 mln.somlıq basqa salıq túrlerinen artıqsha tólem summaların qaytarıp beriw boyınsha máseleler sheship berildi. 83 jaǵdayda basqa mákeme hám shólkemlerge tiyisli bolǵan mashqalalar barlıǵı anıqlandı. 3 jaǵdayda tazadan ashılǵan kárxanaǵa gaz tartiw mashqalasın unamlı sheship beriwde ámeliy járdem berildi.
Úyreniw nátiyjesi boyınsha 8 jaǵdayda tiyisli mákeme hám shólkemlerge xatlar shıǵarılıp qadaǵalawǵa alındı. “Salıqshı-isbilermenge kómekshi” principi tiykarında isbilermenlerdi qollap-quwatlaw boyınsha tiyisli is-ilajlar salıq uyımları tárepinen dawam ettirilmekte.
Húrmetli isbilermenler!
Nókis qalası mámleketlik salıq uyımları xizmetkerleri sizlerge kómek beriwge hámiyshe tayın.