Xabarıńız bar, usi jıl 16-mart kúni Prezidentimiz Mámleketlik salıq komitetine barıp, salıq shólkemleri xızmetkerleri menen ushırasıw waqtında isbilermenler menen ushırasıp, olardıń máselelerin úyrenip, salıq nızamshılıg’ındag’ı ózgerisler boyınsha túsindiriwler alıp barıp, zárúr tapsırmalar bergen edi.
Búgingi kúnde de “Salıqshı – isbilermenge járdemshi” principi tiykarında Kegeyli rayonı salıq inspekciyası tárepinen isbilermenlerdıń jumıs orınlarına barǵan halda olardıń máselelerin úyrenip, kóshpeli salıq máslahátları kórsetilip atır.
Mısal retinde, Kegeyli rayonında jil basinan iyun ayina shekem 763 kárxanalardıń máseleleri tolıq úyrenildi hámde salıq tólewshilerge kórsetiletuǵın arnawlı xızmetler dizimi menen tanıstırılıp, isbilermenlik subektlerinin’ mashqalaları úyrenilip shıǵıldı.
Úyreniw nátiyjesinde 518 salıq uyımlarına baylanıslı bolǵan máseleler boyınsha mashqalaları bar ekenligi anıqlanıp, tiyisli ámeliy járdemler kórsetildi.
Sonnan 32 jaǵdayda E-ijara da’sturi boyinsha, 57 jaǵdayda E-imtiyoz dásturi boyinsha tu’sinik ma’sláhatlar berildi.
Sonday-aq 178 jaǵdayda 169,8 mln.somlıq basqa salıq túrlerinen artıqsha tólem summaların qaytarıp beriw boyınsha máseleler sheship berildi. 7 jaǵdayda basqa mákeme hám shólkemlerge tiyisli mashqalalar barlıǵı anıqlandı. 1 jaǵdayda tazadan ashilǵan kárxanaǵa gaz,elektr energiyasin tartiw mashqalasin unamli sheship beriwde ámeliy járdem berildi.
“Salıqshı isbilermenge kómekshi” principi tiykarında isbilermenlerdi qollap-quwatlaw boyınsha tiyisli is ilajlar salıq organları tárepinen dawam ettirilmekte.
Kegeyli rayonı mámleketlik salıq inspekciyası xizmetkerleri sizlerge Mámleketlik salıq komitetiniń 2021-jıl 11-yanvar kúngi “Salıqshı-isbilermenge kómekshi” principi tiykarında isbilermenlerdi qollap-quwatlaw boyınsha ámelge asırılıwı lazım bolǵan “Háreketler rejesi”n tastıyıqlaw haqqındaǵı 10-sanlı buyrıqqa tiykarlanıp kómeklesiw zárúr bolǵan isbilermenlik subyektlerine:
– Tazadan ashılǵan subyektler;
– Esabat usınbaǵanlar;
– “Nol” esabat usınǵanlar;
– Tólem ámelge asırmaǵanlar;
– Is haqı esaplamaǵanlar;
– Bank aylanısın ámelge asırmaǵanlar;
– Salıq uyımlarına bir neshe márte múrájat etken salıq tólewshiler, usı kómekke zárúr bolǵan isbilermenlik subyektleriniń mashqalaların úyreniwge hámde olarǵa kómek beriwge hámiyshe tayın.