Аssаlаwmа alеykum, Hu‘rmetli salıq to‘lewshiler !
Xabarin’iz bar usi jildin’ 16-mart ku’ni húrmetli Prezidentimizdin’ Ma’mleketlik salıq komitetine saparı dawamında salıq sistemasın no’merlestiriw, salıq to’lewshilerge xızmet ko’rsetiw sapasın joqarilatiw, «Salıqshı ko’mekshi» principı tiykarında isbilermenlik suybektleri menen tuwrıdan-tuwrı so’ylesiw, olar dus kelip atirg’an mashqalalardı u’yreniw boyınsha bir qatar tapsirmalar bergen edi.
«Salıqshı ko’mekshi» sistemasınin’ mazmunı sonnan ibarat, eń aldi menen biz endi jumıs baslap atırg’an isbilermenge birinshi qa’deminen, og’an qaysı salıq rejimi qolay ha’m paydalı ekenligin tańlap beriwimiz za’rúr. Onnan keyin bolsa, biznes subyektlerinin’ «jasap ketiwi», yag’niy ha’reketsiz karxanalardı qayta tiklewge, buxgalteriyasin ju’ritiw, esabatların toltırıwı ha’m tapsırılıwı, qullası qanday mashqalası bolsa sheship beriw boyınsha ja’rdem beriwge tiykarg’ı itibar qaratıladı.
Shımbay rayonı ma’mleketlik salıq inspekciyasına III sherek iyul ayi ushın byudjet dárámadlarına 4,3 mlrd. sumlıq reje belgilengen bolıp, haqiyqatında 3,6 mlrd. sumlıq tu’sim boliwı ta’minlendi ha’m prognoz ko’rsetikishi 83,2 payızg’a orınlandı.
Bu’gingi ku’nde, tarawımızda qansha salıq nızamshılıg’ın buzıw anıqlandı ha’m qosımsha salıq esaplandı, dep isbilermendi jazalawg’a emes, kerisinshe salıq nızamshılıg’ı buzılıwı qanshalıq dárejede kemeygenligi ha’m artıqsha qárejetlerden saqlap qalıwg’a qansha u’les qosılg’anlıg’ına qarap belgilenedi. Haqıyqatında salıq xızmetkeri en’ aldı menen, jan’a jumıs baslap atırg’an isbilermenge, birinshi qa’deminen og’an qaysı salıq rejimi qolay ha’m paydalı ekenligin tańlap beriwimiz za’rúr. Sonnan keyin bolsa, biznes subyektlerinin’ «jasap ketiwi», yag’nıy háreketsiz kárxanalardı qayta tiklewine ko’mek beriw, buxgalteriyasın ju’ritiwi, esabatların toltiriw ha’m tapsiriliwı, qullası, qanday mashqalası bolsa sheship beriw boyınsha xızmet ko’rsetiwge tiykarg’ı itibar qaratiwimiz lazim.
Búgingi qıyın shárayatta mánzilli islewdi, ha’r bir isbilermen jumısına onın’ qıyınshılq ha’m mashqalaların tu’singen halda ko’mekshi bolıwdı talap etedi.
Shımbay rayonı ma’mleketlik salıq inspekciyasında salıq to’lewshilerdi qabıl qılıw boyınsha xana sho’lkemlestirildi ha’mde inspekciya salıq xızmetkerlerinin’ a’melge asırıw lazım bolg’an funkcional wazıypaların belgilep beretug’ın jeke tártip islep shıg’ıldı. Sonnan, salıq to’lewshilerdi qabıl etiw xanasında tiyisli bo’limlerden (yuridikalıq ta’replerge xızmet ko’rsetiw bo’liminen 1 xızmetker, Kameral salıq tekseriwi sektorınan 1 xızmetker, Salıq qarızın o’ndiriwdi sho’lkemlestiriw bo’liminen 1 xızmetker, Esaptı ju’ritiw ha’m budjet dárámadların prognozlastırıw bo’liminen 1 xızmetker, Sho’lkemlestiriw hám múrájatlardı qabıl etıw bo’liminen 1 xızmetker, Isbilermenliktı qollap-quwatlaw sektorınan 1 xızmetker) 6 xızmetker biriktirildi.
Isbilermenlik xızmetin endi baslap atırg’an ha’mde xızmeti dawamında qıyınshılıqqa dus kelgen isbilermenlik subyektlerine «Salıqshı-isbilermenge ko’mekshi» princıpi tiykarında salıq shólkemleri ta’repinen bir qansha jumıslar ámelge asırılıp kelinbekte.
«Salıqshı-isbilermenge ko’mekshi» principi shen’berinde Shımbay rayonındag’ı 61 isbilermenge ko’meklesiw zárúrligi anıqlandı.
Sonnan, ko’meklesiw za’rúr bolg’an isbilermenlik subyektlerinin’ 20 jag’dayda dáslepki buxgalteriyalıq esabatların ju’ritiwdi tu’sindiriw, E-ijara programması boyınsha 3 isbilermenge, E-jeńillik programması boyinsha 4 isbilermenge tu’sinik beriw ha’m onnan qanday paydalaniw boyinsha ko’meklesiw, 71 isbilermenge jeke esap betinen nusqa beriw, 30 isbilermenge 63.6 mln.sumlıq basqa salıq tu’rlerinen artıqsha to’lem summaların qaytarıp beriw, 2 isbilermennin’ basqa ma’seleleri boyınsha mashqalalari unamlı sheship berildi.